නැගෙනහිර පළාතේ සහ උතුරුමැද පළාතේ සියලු පාසල් අද (20) නොපැවැත්වීමට තීරණය කර තිබේ.
පවතින අයහපත් කාලගුණ තත්ත්වය මත මෙම තීරණය ගෙන තිබේ.
නැගෙනහිර පළාත තුළ පාසල් වල මේ දිනවල විභාගය පැවැත්වෙන බැවින් අද දිනයේ පැවැත්වීමට තිබු විභාග විෂයන් 25 වනදා එනම් සෙනසුරාදා දිනයේ පැවැත්වීමට කටයුතු කර තිබෙන බවට වාර්තා වේ.
අයහපත් කාලගුණය හේතුවෙන් අදාල පාසල් වසා තැබෙන බව නැගෙනහිර පළාත් ආණ්ඩුකාර මහාචාර්‍ය් ජයන්ත ලාල් රත්නසේකර පවසයි.
මේ අතර අද දවසේ උතුරු මැද පළාත තුල සියලු පාසල් නොපැවැත්වීමට ගෙන ඇති තීරණය පිළිබඳව උතුරු මැද පළාත් ප්‍රධාන අමාත්‍යාංශ ලේකම්තුමා විසින් සියළුම විදුහල්පතිවරුන්ට උපදෙස් දී ඇති බව සඳහන්ය.
එමෙන්ම 3,4 සහ 5 ශ්‍රේණි සඳහා 2024 අවසාන වාර විභාගය අද(20) සහ හෙට (21) යන දින වලට නියමිතව ඇති විභාග තාවකාලිකව කල්දමන බව ද දැනුම් දී තිබෙන බවට වාර්තා වේ.
