අද (02) දින සූරියවැව ජාත්‍යන්තර ක්‍රීඩාංගනයේ පැවති ශ්‍රී ලංකා – ඇෆ්ගනිස්ථාන පළමු එක්දින තරගය කඩුලු 06කින් ජය ගැනීමට ඇෆ්ගනිස්ථාන කණ්ඩායම සමත් වී තිබේ.
තරගයේ පළමුව පන්දුවට පහරදුන් ශ්‍රී ලංකා කණ්ඩායම, නියමිත පන්දුවාර 50 අවසානයේ සියලුදෙනා දැවී ලබා ගැනීමට සමත් වූයේ ලකුණු සංඛ්‍යාව 268ක් පමණි.
ශ්‍රී ලංකා ඉනිම වෙනුවෙන් චරිත් අසලංක ලකුණු 91 ක් රැස් කළ අතර, ධනංජය ද සිල්වා ලකුණු 51ක් රැස් කර තිබුණි.
ලකුණු 269 ක ජයග්‍රාහී ඉලක්කයක් හඹා ගිය ඇෆ්ගනිස්ථාන කණ්ඩායම පන්දුවාර 46 යි පන්දු 5 කදී තරගය ජය ගැනීමට සමත් විය.
එහිදී ඊබ්‍රාහිම් සද්‍රාන් හා රහමඩ් ෂා පිළිවෙලින් ලකුණු 98ක් හා ලකුණු 55ක් රැස් කර තිබුණි.
