හිටපු ජනාධිපති මහින්ද රාජපක්ෂ මහතාව ඝාතනය කිරීමේ කුමන්ත්‍රණයක් මේ වන විටත් ක්‍රියාත්මක වන බව ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී තිස්ස කුට්ටිආරච්චි මහතා පවසයි.
ජනාධිපති අපේක්ෂක නාමල් රාජපක්ෂ මහතාගේ ජයග්‍රහණය වෙනුවෙන් හිරියාලේ පැවති ජන රැළියක් අමතමින් කුට්ටිආරච්චි මහතා සදහන් කළේ එල්ටීටීඊය පරාජය කළ බවට පැවසුවද තවමත් එය අවසන්ව නොමැති බවය.
මේ හේතුවෙන් 21 වැනිදා ජනාධිපතිවරණය ජයග්‍රහණයෙන් අනතුරුව අනුර කුමාර දිසානායක මහතා මහින්ද රාජපක්ෂ මහතාගේ ආරක්ෂාව ඉවත් කර ඔහුව නිල නිවසින්ද එළියට දැමුවහොත් මහින්ද රාජපක්ෂ මහතා ඝාතනය කිරීමට ඉඩ ඇති බවට තිස්ස කුට්ටිආරච්චි මහතා පවසයි.
ගෝල්ෆේස් ප්‍රහාරය එල්ලවූ මැයි 09 වැනිදා දිනයේද අරලියගහ මන්දිරයේදී මහින්ද රාජපක්ෂ මහතා ඝාතනය කිරීමට සූදානමක් පැවති බවත් ත්‍රිකුණාමලය නාවුක හමුදා කදවුරට රැගෙන ගොස් ඔහුගේ ජීවිතය බේරාගත් බවත් කුට්ටිආරච්චි මහතා රැළිය අමතමින් සදහන් කලේය.
