නිට්ටඹුව පොලිස් වසමේ කොළඹ – මහනුවර මාර්ගයේ, රඳාවඩුන්න ප්‍රදේශයේ අද (20) අලුයම දී සිදුවු රිය අනතුරකින් යුද හමුදා සෙබළුන් 5දෙනෙක් තුවාල ලබා තිබේ.
යුද හමුදා නිලධාරීන් රැගත් වෑන් රථයක් කොළඹ සිට මහනුවර දෙසට ගමන් කිරීමේදී ප්‍රතිවිරුද්ධ දෙසින් පැමිණි බවුසර් රථයක ගැටී අනතුර සිදුව තිබුණි.
අනතුර සිදුවන අවස්ථාවේ වෑන් රථයේ යුද හමුදා නිලධාරීන් 6දෙනෙක් සිට ඇති අතර ඉන් 5දෙනෙක් තුවාල ලබා වතුපිටිවල රෝහලට ඇතුළත් කර ඇති බවත් ඉන් එක් නිලධාරියෙක් වැඩිදුර ප්‍රතිකාර සඳහා කොළඹ ජාතික රෝහලට ඇතුළත් කළ බවත් වාර්තා වේ.
පොල්හේන්ගොඩ යුද හමුදා කඳවුර නිලධාරීන් පිරිසක් රාජකාරි කටයුත්තක් සඳහා ගිරිතලේ කඳවුරට යමින් සිටිය දී එම අනතුර සිදුව ඇති අතර අනතුරින් යුද හමුදා මාණ්ඩලික සැරයන්වරයෙක්, සැරයන්වරයෙක් හා කෝප්‍රල්වරුන් තිදෙනෙක් තුවාල ලබා තිබේ.
නිට්ටඹුව පොලීසිය විසින් බවුසර් රථ රියදුරු අත්අඩංගුවට ගෙන ඇති අතර වැඩිදුර විමර්ශන සිදුකරයි.
(ඡායාරූපය : Accident 1st)
