ලෝක ප්‍රජාතන්ත්‍රවාදී දිනය අදට (15) යෙදී ඇති අතර මෙවර එහි තේමාව මතු පරපුර බල ගැන්වීම යන්නයි.
ප්‍රජාතන්ත්‍රවාදය යනු ප්‍රජාව විසින් ප්‍රජාව පාලනය කරන හෝ ප්‍රජාව‍ගේ සාමුහික තීරණය මත ගොඩනඟනු ලබන පාලන තන්ත්‍රයයි.
ප්‍රජාතන්ත්‍රවාදය පිළිබඳ ජාත්‍යන්තර දිනයේදී ලොව ප්‍රජාතන්ත්‍රවාදී රාජ්‍යයන් විසින් ප්‍රජාතන්ත්‍රවාදය පිළිබඳ සාකච්ඡා කිරිමට අවකාශ සැලසෙයි.
එසේම ලොව පුරා ඇතැම් ආණ්ඩු සහ එහි බලය හොබවන්නන් ප්‍රජාතන්ත්‍රවාදී නිදහසට බාධා පමුණුවනු අවස්ථාද මේ වන විට දැකගත හැකිය.
තවද ශ්‍රී ලංකාව 1931 වර්ෂයේ සිටම ප්‍රජාතන්ත්‍රවාදයේ වැදගත් අංගයක් වන ඡන්ද ක්‍රමයෙන් සිය පාලකයින් තෝරාපත් කර ගන්නා රටකි.
ප්‍රජාතන්ත්‍රවාදය වෙනුවෙන් ගෙවුණු කාලය තුළ සුවිශේෂි වැඩ ප්‍රමාණයක් ඉටු කළ බවද අධිකරණ හා ආණ්ඩුක්‍රම ව්‍යවස්ථා ප්‍රතිසංස්කරණ අමාත්‍ය – විජේදාස රාජපක්ෂ මහතා පවසයි.
