පුවත්
වංචා කළැයි චීන්නු 307ක් මියන්මාරයේදී අත්අඩංගුවට
දේශසීමා අතර සන්නිවේදන හා අන්තර්ජාල වංචා සිදුකළ බවට සැකකරන චීන ජාතිකයන් 307 දෙනෙකු මියන්මාරයේදී අත්අඩංගුවට ගෙන ඇති බව එරට මහජන ආරක්ෂක අමාත්‍යංශය පවසයි.
එම අමාත්‍යංශය විසින් අගෝස්තු 21 වැනිදා නිකුත් කළ නිවේදනයක දැක්වෙන්නේ මියන්මාරයේදී සිදුකළ ඒකාබද්ධ මෙහෙයුමකින් අත්අඩංගුවට ගැනුනු මෙම සැකකරුවන් හා අදාල සාක්ෂිද, චීන බලධාරීන් වෙත භාරදී ඇති බවයි.
මෙම සිද්ධි වලට සම්බන්ධ තවත් සැකකරුවන් නව දෙනෙකු ද චීන පොලීසිය විසින් අත්අඩංගුවට ගෙන තිබේ.
පසුගිය වසරේ සිට මියන්මාරය සමඟ ජාත්‍යන්තර නීතිය ක්‍රියාත්මක කිරීමේ සහයෝගීතාව ගැඹුරු කරමින් අදාළ අපරාධ මැඩලීම සඳහා ඒකාබද්ධ මෙහෙයුම් මාලාවක් ක්‍රියාත්මක කළ බවත්, එසේ අත්අඩංගුවට ගත් චීන සැකකරුවන් 50,000 කට අධික පිරිසක් චීන බලධාරීන් වෙත භාර දී ඇති බවත් එම අමාත්‍යාංශය වැඩිදුරටත් පවසයි.
(මූලාශ්‍රය : CCTV +)