Connect with us

පුවත්

සිරිපාල ශ්‍රීලනිප දේශපාලන මණ්ඩලය පදනමට කැඳවයි

Published

on

ශ්‍රී ලංකා නිදහස් පක්ෂ දේශපාලන මණ්ඩල රැස්වීමක් හෙට (08) කොළඹ පදනම් ආයතනයේදී පැවැත්වෙන බව එම පක්ෂයේ ජ්‍යෙෂ්ඨ උප සභාපති, අමාත්‍ය නිමල් සිරිපාල ද සිල්වා මහතා දන්වා ඇතැයි වාර්තා වේ.

ශ්‍රී ලංකා නිදහස් පක්ෂයේ භාණ්ඩාගාරික, රාජ්‍ය අමාත්‍ය ලසන්ත අලගියවන්න මහතා සඳහන් කර ඇත්තේ, පක්ෂය තුළ මතුව ඇති අර්බුද සම්බන්ධයෙන් එහිදී සාකච්ඡා කරන බවයි.

ඊට අමතරව ඉදිරි දේශපාලන තත්ත්වය සම්බන්ධයෙන් එහිදී තීන්දු තීරණ රැසක් ගැනීමට නියමිත බව ද, ඔහු ප්‍රකාශ කර ඇත.

මේ අතර ශ්‍රී ලංකා නිදහස් පක්ෂ මූලස්ථානයට ඇතුළු වීම තවදුරටත් තහනම් වන බව, පොලීසිය පවසයි.

පොලීසිය සඳහන් කළේ, පක්ෂ මූලස්ථානයේ ආරක්ෂාව තර කර ඇති බවයි.

අදාළ විමර්ශනය ක්‍රියාත්මක වන්නේ, ශ්‍රී ලංකා නිදහස් පක්ෂයේ වැඩබලන මහලේකම් සාරතී දුෂ්මන්ත මිත්‍රපාල මහතා මරදාන පොලීසියට කළ පැමිණිල්ලකට අදාළවයි.

ඒ, පක්ෂ කාර්යාලයේ පැවති අත්‍යවශ්‍ය ලේඛණ කිහිපයක් අස්ථානගත වීම සම්බන්ධයෙනි.

විමර්ශන සඳහා රජයේ රස පරික්ෂක දෙපාර්තමේන්තුවේ සහය ලබාගන්නා බව ද, පොලීසිය සඳහන් කළේ ය.

සබැඳි පුවත්
ශ්‍රීලනිප මූලස්ථානයේ තිබූ ලිපිගොනු කිහිපයක් අතුරුදන් 

පුවත්

කතට අතවර කළ සැරයන්ගේ වැඩ තහනම්

Published

on

By

බිංගිරිය පොලිස් ස්ථානයේ ආපනශාලාවක් තුළදී එහි ආපනශාලාවේ සේවය කළ කාන්තාවකට ලිංගික අතවර කළ බව කියන සැරයන්වරයාගේ වැඩ තහනම් කළ බව කුලියාපිටිය ජ්‍යෙෂ්ඨ පොලිස් අධිකාරී කාර්යාලය පවසයි.

මෙසේ වැඩ තහනමට ලක්කර ඇත්තේ, බිංගිරිය පොලිසියේ සේවයේ කළ පොලිස් සැරයන්වරයෙකි.

බිංගිරිය පොලිස් ස්ථානයේ ආපනශාලාව පවත්වාගෙන ගිය වීරපොකුණ ප්‍රදේශයේ කාන්තාවකට ලිංගික අතරවර කළ බවට පොලිස්පතිවරයාට යොමු කළ පෙත්සමකට අනුව එහි විමර්ශන කටයුතු සිදුකරන ලෙස කුලියාපිටිය ජ්‍යෙෂ්ඨ පොලිස් අධිකාරිවරයාට පොලිස්පති විසින් නියෝග කරන ලදී.

ඒ අනුව, බිංගිරිය පොලිසියේ ස්ථානාධිපතිවරයාගේ ප්‍රධානත්වයෙන් ඒ පිළිබඳ විමර්ශනයක් සිදුකර සැකකාර සැරයන්වරයා අත්අඩංගුවට ගෙන හෙට්ටිපොළ මහේස්ත්‍රාත් අධිකරණයට ඉදිරිපත් කිරීම සිදුවිය.

කෙසේ වෙතත්, එම සැරයන්වරයා විසින් සිදුකරන ලද විෂමාචාර ක්‍රියාව හේතුවෙන් ඔහුගේ වැඩතහනම් කරන ලෙස ජ්‍යෙෂ්ඨ පොලිස් අධිකාරීවරයා විසින් දැනුම් දී ඇත.

Continue Reading

පුවත්

මේ සතියේ කැබිනට් තීරණ මෙන්න

Published

on

By

ඊයේ (2024-05-22) දින පැවැත්වූ අමාත්‍ය මණ්ඩල රැස්වීමේදී තීරණ රැසකට එළැඹ ඇත.

එම තීරණ මෙසේය.

Continue Reading

පුවත්

අරගලයේ නඩු භාණ්ඩ වෙන්දේසියට අවසර

Published

on

By

ගාලුමුවදොර අරගල භූමියේ දී 2022 වසරේ මැයි 09 වැනිදා සිදුවූ ගැටුම්කාරී තත්ත්වයෙන් පසු පොලිස් භාරයට ගෙන අධිකරණයට ඉදිරිපත් කළ නඩු භාණ්ඩ මාස දෙකක් ඇතුළත වෙන්දේසි කරන ලෙස කොටුව මහේස්ත්‍රාත් අධිකරණය නියෝග කර තිබේ.

ඒ අදාළ නඩු භාණ්ඩ සම්බන්ධයෙන් වූ නඩුව ඊයේ (22) කැඳවූ අවස්ථාවේදීය.

2022 වසරේ අප්‍රේල් 09 වැනිදා ගාලු මුවදොරදී ඇරඹි අරගලයෙන් මාසයකට පසු එනම් එම වසරේ මැයි 09 වැනිදා එවකට අග්‍රාමාත්‍ය මහින්ද රාජපක්ෂට සහාය පළ කළ පිරිසක් හා ගාලුමුවදොර අරගලකරුවන් අතර ගැටුම්කාරී තත්ත්වයක් ඇතිවිය.

වාහන ගිනි තැබීම්, දේපළ හානි මෙන්ම දේශපාලනඥයින්ගේ නිවාස ගිනි තැබීම ඇතුළු ආන්දෝලනාත්මක සිදුවීම් රැසක් ඉන් පසුව සිදුවූ අතර එම කාලසීමාවේදී පොලිස් භාරයට ගත් නඩු භාණ්ඩ රැසක් අධිකරණයේ තැන්පත් කර තිබුණි.

එම නඩු භාණ්ඩවලට අදාළ නඩුව ඊයේ (22 ) කොටුව මහේස්ත්‍රාත් කෝසල සේනාධීර මහතා ඉදිරියේ කැඳවනු ලැබුණි.

එහිදී මහේස්ත්‍රාත්වරයා නියෝග කළේ එලෙස අධිකරණයේ පවතින අරගල භූමියේ තිබූ දේපළ මාස දෙකක් තුළ වෙන්දේසි කර එහි මුදල් අධිකරණයේ තැන්පත් කරන ලෙසයි.

විනිසුරුවරයා මෙම තීන්දුව ලබාදුන්නේ පැදුරු, කොට්ට, ජෙනරේටර් ඇතුළු එම භාණ්ඩවලට අයිතිවාසිකම් කීමට කිසිවෙකුත් ඉදිරිපත් නොවීම හේතුවෙනි.

අපරාධ පරීක්ෂණ දෙපාර්තමේන්තුව අධිකරණයට දන්වා සිටියේ නඩුවේ විමර්ශන අවසන් කර නීතිපති උපදෙස් සඳහා එම ගොනුව යොමු කර ඇති බවය.

මෙම සිද්ධියේදී සැකකරුවෙකු ලෙස නම් කර සිටි හිටපු පාර්ලිමේන්තු මන්ත්‍රී සනත් නිශාන්ත මේ වන විට අභාවප්‍රාප්ත වී ඇති බව එහිදී පොලිසිය අධිකරනය හමුවේ කියා සිටියේය.

අරගලකරුවන්ට පහර දීමේ සිද්ධිය සම්බන්ධයෙන් පාර්ලිමේන්තු මන්ත්‍රීවරුන් වන මිලාන් ජයතිලක. ජොන්ස්ටන් ප්‍රනාන්දු ඇතුළු අනෙක් සැකකරුවන් 36 දෙනාගෙන් 30 දෙනෙකු ඊයේ විවෘත අධිකරණයේ පෙනී සිටියහ.

මෙම සිද්ධියට අදාළ නඩුව නැවත නොවැම්බර් මස 6 වෙනිදා කැඳවීමට නියමිතයි.

Continue Reading

Trending

Copyright © 2023 Sri Lanka Mirror. All Rights Reserved