Connect with us

පුවත්

ජනපතිවරණයකට ගියොත් ආණ්ඩුව දෙදරයි!; බැසිල් – රනිල් මත දෙකක

Published

on

ජනාධිපතිවරණයක් සඳහා සූදානම් වන ලෙසට ජනාධිපති රනිල් වික්‍රමසිංහ මහතා කැබිනට් මණ්ඩලයට දන්වා තිබියදී, පවත්නා දේශපාලන වාතාවරණය තුළ කඩිනම් මහ මැතිවරණයක් අවශ්‍ය බව ශ්‍රී ලංකා පොදුජන පෙරමුණේ නිර්මාතෘ බැසිල් රාජපක්ෂ මහතා ජනාධිපති රනිල් වික්‍රමසිංහ මහතාට පසුගිය බ්‍රහස්පතින්දා දැනුම් දී ඇත.

මෙලෙස ප්‍රකාශ කර ඇත්තේ පසුගිය බ්‍රහස්පතින්දා රාත්‍රියේ බැසිල් රාජපක්ෂ මහතා සහ ජනපතිවරයා ජනපති නිවෙසේදී හමුවූ අවස්ථාවේය.

දේශපාලන වශයෙන් කලබලයක් ඇති කිරීමට අපේක්ෂාවක් නැතත් තම පක්ෂයේ එකම අරමුණ ඉක්මනින් මහ මැතිවරණයක් තැබීම බවද බැසිල් මහතා පවසා ඇත.

සිය මහ මැතිවරණ ඉල්ලීමට යහපත් ප්‍රතිචාරයක් අපේක්ෂා කරන බව ඔහු මෙහිදී සඳහන් කර ඇත. 

රටේ ජනමතය සහ යහපැවැත්ම සලකා අවසන් තීන්දු ගත යුතු යැයි බැසිල් රාජපක්ෂ මහතා ජනාධිපතිවරයාට ප්‍රකාශ කර තිබේ.

මේ අතර ඡන්ද ක්‍රමය වෙනස් කිරීම සම්බන්ධයෙන් ආණ්ඩුව කළ යෝජනාව නිසා මැතිවරණ කල් දැමීමට රජය සැරසෙන බවට මතයක් සමාජගත වී ඇති බවත් එය සුබදායක තත්‍ත්වයක් නොවන බවත් බැසිල් රාජපක්ෂ මහතා පවසද්දී ජනාධිපති රනිල් වික්‍රමසිංහ මහතා සඳහන් කර ඇත්තේ මැතිවරණ කල් දැමීමට තමන්ගේ කිසිම අපේක්ෂාවක් නොමැති බවයි.

පළාත් පාලන සහ පළාත් සභා ඡන්දය කල් දැමීම නිසා බොහෝ පරිපාලන ගැටලු ඇතිව ඇතැයිද බැසිල් රාජපක්ෂ මහතා පවසා ඇති අතර රාජ්‍ය ආයතන පෞද්ගලිකකරණය සම්බන්ධයෙන් ගනු ලබන තීරණ මහා සංඝරත්නය සහ ජාතිකවාදී කඳවුරු සමඟ මුලින්ම සාකච්ඡා කළ යුතු යැයිද ඔහු මෙහිදී ජනාධිපතිවරයාට පෙන්වා දී තිබේ.

පුවත්

ප්‍රබල අකුණු ගැන අනතුරු ඇඟවීම්

Published

on

By

ප්‍රබල අකුණු පිළිබඳ අවවාදාත්මක නිවේදනයක් කාලගුණ විද්‍යා දෙපාර්තමේන්තුව විසින් නිකුත් කර තිබේ.

බස්නාහිර, සබරගමුව, දකුණ, මධ්‍යම, ඌව සහ උතුරු මැද පළාත්වලත් මන්නාරම සහ වවුනියා දිස්ත්‍රික්කවලත් අද (11) සවස් කාලයේදී හෝ රාත්‍රී කාලයේදී තැනින් තැන ගිගුරුම් සහිත වැසි සමග ප්‍රබල අකුණු ඇති වීමේ වැඩි අවදානමක් පවතින බව එම නිවේදනයේ දැක්වෙයි.

එම ප්‍රදේශවල ජනතාවට විමසිලිමත් වන ලෙසත් ගිගුරුම් සහිත වැසි ඇති වන විට එම ප්‍රදේශවල තාවකාලිකව තද සුළං ඇති විය හැකි බව ද අදාළ නිවේදනයේ තවදුරටත් දැක්වෙයි.

එම නිවේදනය අද (11) රාත්‍රී 11.30 වෙනතුරු වලංගු බවද කාලගුණ විද්‍යා දෙපාර්තමේන්තුව පවසයි.

සම්පූර්ණ නිවේදනය,

Continue Reading

පුවත්

තනතුර ලැබුනොත් කරන දේ ගැන එළිසබෙත් හෙළිකරයි

Published

on

By

තමන් ශ්‍රී ලංකාවේ ඇමෙරිකානු තානාපතිවරිය ලෙස පත්වීම ස්ථිර පත්වීම ලැබුවහොත් මෙරට සුළු ජන කණ්ඩායම්වල සාමාජිකයන්ට සහාය දැක්වීමට බලාපොරොත්තු වන බව එළිසබෙත් කේ හෝර්ස්ට් මහත්මිය ප්‍රකාශ කර සිටී.

ශ්‍රී ලංකාවේ මීළඟ ඇමරිකානු තානාපතිවරිය ලෙස තේරී පත්වීමට නම යෝජනා වී ඇති එළිසබෙත් කේ හෝර්ස්ට් මහත්මිය වැඩිදුරටත් සඳහන් කලේ, ශ්‍රී ලංකාවේ මානව අයිතිවාසිකම් පිළිබඳව ඇමෙරිකාව දරන මතය තමන්ද දරන බවය.

මෙරට සුළු ජන කණ්ඩායම් කණ්ඩායම් වලට වගවීම, සත්‍ය, සංහිඳියාව, විනිවිදභාවය සහ යුක්තිය ලබාදීම සඳහා තමන් කැපවී ක්‍රියා කරන බවද ඇය පැවැසුවාය.

ශ්‍රී ලංකාවේ මීළඟ ඇමෙරිකානු තානාපතිවරිය ලෙස පත්වීම ස්ථිර කිරීම සඳහා පැවැති ඇමෙරිකා එක්සත් ජනපද සෙනෙට් විදේශ සබඳතා කමිටු රැස්වීමේදී සිය ආරම්භක ප්‍රකාශය සිදු සිදුකරමින් හෝර්ස්ට් මහත්මිය විසින්  මෙම අදහස් ප්‍රකාශ කරන ලදී.

Continue Reading

පුවත්

ඩයනාට රූපවාහිනියෙන් නඩු

Published

on

By

රූපවාහිනී සජීවී විකාශන අවස්ථාවක්  ලබාගෙන  රුපියල් ලක්ෂ 10කට ආසන්න මුදලක් ගෙවීම පැහැර හැර ඇතැයි කියන  සංචාරක හිටපු රාජ්‍ය ඇමැතිනී ඩයනා ගමගේ මහත්මියට එරෙහිව නඩු පැවරීමට තීරණය කර ඇතැයි ජාතික රූපවාහිනී සංස්ථාව ප්‍රකාශ කරයි.

මේ පිළිබඳ ජාතික රූපවාහිනි සංස්ථාවේ සභාපති  ආචාර්ය  ප්‍රසාද් සමරසිංහ මහතා පවසා සිටියේ හිටපු අමාත්‍යවරියට නඩු පැවරීමට තමා අදාළ අංශ නිලධාරීන්ට උපදෙස් දී ඇති බෑවය.

මෙම හිඟ මුදල ගෙවන ලෙස කිහිප වතාවක්ම ඩයනා ගමගේ මහත්මියට දැනුම්දී  තිබුණද  විවිධ හේතු දක්වමින් ගෙවීම පැහැර හැරි බවද  සභාපතිවරයා විසින් වැඩිදුරත් පවසන ලදී.

නවගමුව පෙරහර සජීවී ලෙස ප්‍රචාරය කිරීම සඳහා ඇය මෙම විකාශනය  ලබා ගෙන  ගත්තේ ඒ සඳහා වැය වන සියලුම මුදල් තමා පෞද්ගලිකවම ගෙවන බවට පොරොන්දු වෙමින් ලිඛිත ලියවිල්ලක්ද ඉදිරිපත් කරමින් බව වාර්තා වේ.

ද්විත්ව පුරවැසිභාවය ගැටලුව  හේතුවෙන් ඩයනා ගමගේ මහත්මියට  පාර්ලිමේන්තු මන්ත්‍රී ධූරයක්  දැරීමට අයිතියක් නැති බව  ශ්‍රේෂ්ඨාධිකරණය විසින් පසුගිය ( 09) බදාදා  දැනුම් දෙන ලදී. ඒ අනුව ඇයගේ මන්ත්‍රී ධූරය අහෝසි විය.

( ලංකාදීප )

Continue Reading
Advertisement

Trending

Copyright © 2023 Sri Lanka Mirror. All Rights Reserved