ජනාධිපතිවරණයට අදාළ මුද්‍රණ කටයුතු හෙට(16) සිට ආරම්භ කරන බව රජයේ මුද්‍රණාලයාධිපති ගංගා කල්පනී ලියනගේ මහත්මිය සඳහන් කළා ය.
ඒ අද (15) නාමයෝජනා බාර දීමේ කටයුතු අවසන් වූ පසු මැතිවරණ කොමිෂන් සභාවේ අනුමැතිය රජයේ මුද්‍රණාලය වෙත ලැබීමෙන් අනතුරුවයි.
මෙවර ජනාධිපතිවරණය සඳහා ඉදිරිපත් වන අපේක්ෂකයින් සංඛ්‍යාව ඉහළ යාමත් සමග මැතිවරණ පත්‍රිකාවේ සිදුවිය හැකි වෙනස්කම් පිළිබඳව අප විමසීමක් කළේ ය.
2019 වසරේ භාවිතා කළ මැතිවරණ පත්‍රිකාවට සාපේක්ෂව සැලකිය යුතු වෙනසක් සිදු නොවන බව එහිදි ඇය සඳහන් කළා ය.
