මැදපෙරදිග පවතින යුදමය තත්ත්වය හමුවේ ඉරානයේ ටෙහෙරාන් නුවර පිහිටි ශ්‍රී ලංකා තානාපති කාර්යාලය වෙනත් ස්ථානයක් කරා ගෙන යාමට කටයුතු කර ඇතැයි විදේශ අමාත්‍ය විජිත හේරත් මහතා පවසයි.
අද (17) පාර්ලිමේන්තුවේදී අදහස් දැක්වූ අමාත්‍යවරයා සඳහන් කළේ, තානාපති කාර්ය මණ්ඩලය සමග එහි රැඳී සිටි ශ්‍රී ලාංකික සිසුන් 08 දෙනෙකු ද ආරක්ෂිත ස්ථානයක් වෙත යොමු කර ඇති බවයි.
ඉරානය තුළ ශ්‍රී ලාංකිකයින් 35 දෙනෙකු රැඳී සිටින බවත්, ඊශ්‍රායලය තුළ ශ්‍රී ලාංකිකයින් 20,000ක් පමණ සිටින බවත් අමාත්‍යවරයා වැඩිදුරටත් පෙන්වා දුන්නේය.
