Connect with us

පුවත්

නාමල්ගේ විදුලි බිල ගැන සොයන්නැයි විජිත‌ගෙන් පෙත්සමක්

Published

on

හිටපු අමාත්‍ය නාමල් රාජපක්ෂ මහතාගේ විවාහ උත්සවයට විදුලි බලය සැපයීම පිළිබඳ පර්යේෂණයක් පවත්වා ඒ පිළිබඳ විගණන වාර්තාවක් අධිකරණයට ඉදිරිපත් කිරීමට නියෝග කරන ලෙසද ඒ පිළිබඳ බලය අයුතු ලෙස භාවිත කිරීම පිළිබඳ හිටපු ජනාධිපති මහින්ද රාජපක්ෂ මහතා ඇතුළු ඊට වගකිව යුතු වග උත්තරකරුවන්ට සුදුසු පියවර ගැනීමට නියෝග කරන ලෙසද ඉල්ලා නීතිඥ විජිත කුමාර මහතා ශ්‍රේෂ්ඨාධිකරණයට මූලික අයිතිවාසිකම් පෙත්සමක් ගොනු කර ඇත.

නීතිඥ විජිත කුමාර මහතා විසින් ගොනුකර ඇති මෙම පෙත්සමෙහි වග උත්තරකරුවන් වශයෙන් විදුලි බලශක්ති අමාත්‍ය කාංචන විජේසේකර, මහින්ද රාජපක්ෂ සහ නාමල් රාජපක්ෂ මහත්වරුන් ඇතුළු පිරිසක් නම් කරනු ලැබ සිටිති.

පෙත්සමේ මෙසේද සඳහන් වේ :

පෙත්සම්කරු විදුලි පාරිභෝගිකයෙකි. වෘත්තියෙන් නීතිඥවරයෙකි .හිටපු අමාත්‍ය නාමල් රාජපක්ෂ මහතාගේ විවාහ උත්සවය පසුගිය සැප්තැම්බර් 12 වැනිදා බෙලි අත්ත ප්‍රදේශයේදී උත්කර්ෂවත්ව පැවැත්වින.මේ සඳහා ප්‍රවාහන පහසුකම්ද සපයා තිබිණි.

පාර්ලිමේන්තු මන්ත්‍රී ඩී.වී චානක මහතා විසින් මෙම ප්‍රදේශයට විදුලි ආලෝකය සපයන ලෙස එවකට විදුලි බලශක්ති අමාත්‍යවරයාගෙන් ඉල්ලීමක් කර තිබිණ.ඒ අනුව ආරක්ෂක ලාම්පු 150 ක තාවකාලික විදුලි සැපයුමක් සිදුකර තිබේ.මේ සඳහා විදුලි උත්පාදක යන්ත්‍ර සවි කිරීමට රුපියල් 439152.34 ක මුදල ක්ද ට්‍රාන්ස්ෆෝමර් සඳහා රුපියල් 2243114.23 ක මුදලක්ද වැයවී ඇත.මෙම උපකරණ 2019 සැප්තැම්බර් 17 වැනිදා දක්වා තබාගෙන ඇත.මෙම උපකරණ සඳහා ඉන්ධන සැපයීමද සිදුකර තිබේ.මෙම සිද්ධීන් පිළිබඳ ජනමාධ්‍ය මගින් අනාවරණය කිරීමෙන් පසු පෙත්සම්කරුවන් ඒ පිළිබඳ තොරතුරු සොයා බලා තිබේ.

මෙම තත්ත්වය තුළ පෙත්සම්කරුවන්ගේත් ජනතාවගේත් මූලික අයිතිවාසිකම් කඩ වී තිබේ.මෙම පෙත්සම විභාගයට ගැනීමට අවසර ලබා දෙන ලෙසද තම මූලික අයිතිවාසිකම් කඩ වී ඇති බව ප්‍රකාශ කරන ලෙසද මෙම සිද්ධීන් පිළිබඳ විගණන වාර්තාවක් අධිකරණයට ඉදිරිපත් කිරීමට පියවර ගන්නා ලෙසට විදුලිබල මණ්ඩලයට නියෝග කරන ලෙසද බලය අයුතු ලෙස භාවිත කිරීම සම්බන්ධයෙන් වග උත්තරකරුවන්ට එරෙහිව සුදුසු පියවර ගැනීමට නියෝග කරන ලෙසද පෙත්සම්කරු සිය පෙත්සමෙන් ඉල්ලා ඇත.

(ලංකාදීප)

පුවත්

ලීක් වුන දත්ත ගැන වහාම පියවර ගන්නැයි ආගමන විගමන පාලකට නියෝග

Published

on

By

පසුගියදා ඇති වූ වීසා ගැටළුව සම්බන්ධයෙන් යළිත් සාකච්ඡා කිරීමට රාජ්‍ය මුදල් පිළිබඳ කාරක සභාව (CoPF) මැයි 14දා රැස්වීමට නියමිතය.
මේ සම්බන්ධයෙන් අද දිනයේදී මහජන ආරක්ෂක අමාත්‍යංශයේ ලේකම්වරයා සහ ආගමන විගමන පාලකවරයාවද රාජ්‍ය මුදල් පිළිබඳ කාරක සභාව හමුවට කැඳවා තිබුණි.

මේ සාකච්ඡාව සම්බන්ධයෙන් X පණිවිඩයක් නිකුත් කරමින් එම කාරක සභා සභාපති ආචාර්ය හර්ෂ ද සිල්වා මහතා පවසා ඇත්තේ මෙම ගැටළුවේ සංවේදී බව හේතුවෙන් මාධ්‍ය වෙත හෙළිදරව් කරන්නේ මෙපමණක් බවයි.

මන්ත්‍රීවරයා පවසා තිබුණේ ජනප්‍රිය යූටියුබ් විකාශකයෙකු වන ‘ටෙක්ට්‍රෙන්ඩි’ විසින් හෙළිදරව් කර තිබුණු මෙම වීසා ක්‍රමවේදයට අදාලව සිදුවී ඇති දත්ත වල රහස්‍යභාවය නැතිවී යාම පිළිබඳ වහාම පියවර ගන්නා ලෙස ආගමන විගමන පාලකවරයාට නියෝග කර ඇති බවයි. ඔවුන් මේ වන විට එම පියවර ගනිමින් සිටින බවත් මන්ත්‍රීවරයා වැඩිදුරටත් පවසා ඇත.

සබැඳි පුවත් :

වීසා ගැටළුව ගැන අහන්න ලොක්කෝ දෙන්නෙක් මුදල් කමිටුවට

Continue Reading

පුවත්

මුජිබර් ව මැතිසබේට නම් කරන ගැසට්ටුව පිටවෙයි

Published

on

By

ඩයනා ගමගේ ඉවත් කිරීමෙන් පුරප්පාඩු වූ පාර්ලිමේන්තු මන්ත්‍රී ධුරය සඳහා සමගි ජන බලවේගය විසින් හිටපු පාර්ලිමේන්තු මන්ත්‍රීවරයෙකු වූ මුජිබර් රහුමාන් මහතාව නම් කළ බවට අදාළ ගැසට් නිවේදනය නිකුත් කර තිබේ.

Continue Reading

පුවත්

මාර්ක් ඇන්ඩෘ සහ අනුර දිසානායක අතර හමුවක්

Published

on

By

එක්සත් ජාතීන්ගේ ශ්‍රී ලංකා නේවාසික සම්බන්ධීකාරක මාර්ක් ඇන්ඩෘ ෆෙන්ච් (Marc-André Franche) මහතා සහ ජාතික ජන බලවේගයේ නායක අනුර කුමාර දිසානායක  මහතා අතර හමුවක් සිදුවිය.

ඒ, අද (09) පස්වරුවේ ජනතා විමුක්ති පෙරමුණේ ප්‍රධාන කාර්යාලයේදී ය.

මෙම හමුව සඳහා  එක්සත් ජාතීන්ගේ සාමය සහ සංවර්ධනය පිළිබඳ උපදේශක පැට්‍රික් මැකාතී (Patrick McCarthy) මහතා, සාමය සහ සංවර්ධනය පිළිබඳ විශ්ලේෂක නෙත්මිනී මැදවල මහත්මිය සහ සහ ජාතික ජන බලවේගයේ ජාතික විධායක සභික විජිත හේරත් මහතා එක්විය.

මෙම හමුවේදී  ශ්‍රී ලංකාවේ වත්මන් මානව හිමිකම් තත්වය, සමගිය සහ ප්‍රතිසන්ධාන ක්‍රියාවලිය පිළිබඳව දෙපාර්ශ්වය අතර දීර්ඝ ලෙස අදහස් හුවමාරු විය. 

විශේෂයෙන් ශ්‍රී ලංකාවේ ප්‍රතිසන්ධාන ක්‍රියාවලිය සමීපව නිරීක්ෂණය කරන බව පෙන්වා දුන් එක්සත් ජාතීන්ගේ සංවිධානයේ නියෝජිතයෝ ඉදිරි මැතිවරණ ක්‍රියාවලිය තුළ දේශපාලන පක්ෂ විසින් අනුගමනය කළ යුතු ආචාරධර්ම පද්ධතියක් පිළිබඳවද අවධානය යොමු කළහ. 

තම දේශපාලන සංස්කෘතිය, ආරම්භයේ සිටම ආචාරධර්ම පද්ධතියක් පදනම් වී ඇති බව අවධාරණය කළ ජාතික ජන බලවේගය විසින් එ.ජා. නියෝජිතයින් විසින් ඉදිරිපත් කරන ලද යෝජනාවලට තම පූර්ණ සහය හිමි වන බව ප්‍රකාශ කරන ලදී.

Continue Reading
Advertisement

Trending

Copyright © 2023 Sri Lanka Mirror. All Rights Reserved