නිදන්ගත බෝනොවන රෝග වැළැක්වීම හා පාලනය කිරීම සඳහා ජාතික ප්‍රතිපත්ති හා උපාය මාර්ගික රාමුවක් ක්‍රියාත්මක කිරීමට කැබිනට් අනුමැතිය ලැබී තිබේ.
ශ්‍රී ලංකාවේ බෝ නොවන රෝග හේතුවෙන් වසරකට මරණ එක්ලක්ෂ විසිදහසක් සිදුවන බවට සොයා ගෙන ඇති අතර එම මරණවලින් වැඩි ප්‍රතිශතයකට ප්‍රධාන හේතුව වන්නේ හෘද රෝග, ආඝාතය, පිළිකා, නිදන්ගත ශ්වසන රෝග සහ දියවැඩියාව වැනි රෝග තත්වයන් බවට හඳුනාගෙන ගෙන ඇත.
2009 වසරේ දී බෝ නොවන රෝග වැළැක්වීම සඳහා වන පළමු ජාතික ප්‍රතිපත්තිය ප්‍රකාශයට පත් කර ඇති අතර එය ඇගයීමට හා සමාලෝචනයට ලක් කර, අදාල සියලු පාර්ශ්වයන්ගේ දායකත්වයෙන් සංශෝධිත නව ප්‍රතිපත්තිය කෙටුම්පත් කර ඇත.
