Connect with us

පුවත්

ලොකුම බිස්නස් කාරයා ඇතුළු බිස්නස්කාරයෝ 32ක් පාර්ලිමේන්තුවේ

Published

on

පාර්ලිමේන්තු මන්ත්‍රි දෙසිය විසිපස්දෙනා අතරින් තිස් දෙදෙනකු ව්‍යාපාරිකයන් බව පාර්ලිමේන්තු මන්ත්‍රින්ගේ පෞද්ගලික තොරතුරුවල සඳහන් වේ.

එම තිස්දෙනා අතර ශ්‍රීලාංකේය ප්‍රමුඛතම ව්‍යාපාරිකයා ලෙස සැලකෙන ධම්මික පෙරේරා මහතා ද සිටීම විශේෂිතය.

සිය රැකියාව ලෙස මන්ත්‍රින් බහුතරයක් සඳහන් කර ඇත්තේ නීතිඥ යනුවෙනි. 

දෙසිය විසිපහ අතරින් තිස් අටදෙනෙක් නීතිඥයන් වන අතර ඒ අතරට ජනපති නීතිඥවරු හතරදෙනෙක් හා විශ්‍රාමික ශ්‍රේෂ්ඨාධිකරණ විනිසුරුවරයෙක්ද සිටිති. 

එම විනිසුරුවරයා යාපනය දිස්ත්‍රික් පාර්ලිමේන්තු මන්ත්‍රි සී.වී. විග්නේෂ්වරන්ය.

වෛද්‍යවරු දහ දෙනෙක්, ඉංජිනේරුවෝ හයදෙනෙක් ද මේ පාර්ලිමේන්තුවේ සිටිති. 

වෛද්‍යවරු දහතුන් දෙනා අතරට ඖෂධවේදය පිළිබඳ මහාචාර්යවරයෙක් හා වයිරස්වේදය පිළිබඳ මහාචාර්යවරයෙක් අයත්ය. 

පිළිවෙළින් ඔවුන් දෙදෙනා වන්නේ චන්න ජයසුමන හා තිස්ස විතාරණ යන මත්වරුන්ය.

සිය වෘත්තිය පුවත්පත්කලාවේදී ලෙස සඳහන් කරන තිදෙනෙක් ඇතුළු මාධ්‍යවේදීන් පස් දෙනෙක්ද මේ පාර්ලිමේන්තුව නියෝජනය කරති.

පුවත්පත්කලාව සිය රැකියාව ලෙස සඳහන් කර ඇත්තේ ඩලස් අලහප්පෙරුම, මනුෂ නානායක්කාර හා බුද්ධික පතිරණ යන මන්ත්‍රීන් තිදෙනාය.

කෙසේවුවද, ඩලස් හැරෙන්නට මනූෂ හා බුද්ධික රූපවාහිනී වැඩසටහන් ඉදිරිපත් කළ මාධ්‍යවේදීන්ය.

අධ්‍යාපන ක්ෂේත්‍රයට සම්බන්ධ දාහතර දෙනෙක්ද මන්ත්‍රින් අතර සිටිති. 

ඉන් බහුතරයක් මන්ත්‍රී වීමට පෙර ගුරු වෘත්තියේ යෙදුනු අය වෙති.

විශ්වවිද්‍යාලවල ඉගැන්වූ මහාචාර්යවරු පස්දෙනෙක් ද පාර්ලිමේන්තුවේ සිටින අතර ඔවුන් අතරින් මහාචාර්ය ජී.එල්. පීරිස් මහතා කොළඹ විශ්වවිද්‍යාලයේ හිටපු උපකුලපතිවරයෙකි. 

ජනපති රනිල් වික්‍රමසිංහ ඇතුළු කිහිපදෙනෙක් ඔහුගේ සිසුහු වෙති.

කථානායක මහින්ද යාපා අබේවර්ධන, චමල් රාජපක්ෂ ඇතුළු මන්ත්‍රින් හයදෙනෙක් සිය රැකියාව ලෙස සඳහන් කර ඇත්තේ වැවිලිකරු ලෙසය.

සංස්කෘතික හා බුද්ධශාසන ඇමැති විදුර වික්‍රමනායක පිලිපීනයේ ජාත්‍යන්තර සහල් පර්‌යේෂාණාගාරයේ සේවය කළ කෘෂි විද්‍යාඥයකි. 

කෙසේ නමුදු අනුරාධපුර දිස්ත්‍රික් පාර්ලිමේන්තු මන්ත්‍රී එස්.එම්. චන්ද්‍රසේන සිය රැකියාව ලෙස පාර්ලිමේන්තුවට දී ඇති තොරතුරුවල සඳහන්ව ඇත්තේ ද කෘෂි විද්‍යාඥ ලෙසය.

මූලාශ්‍රය – අරුණ

පුවත්

කඳාන වෙඩිතැබීමකින් හිටපු ඇමති ගේ පෞද්ගලික ලේකම්ට තුවාලයි!

Published

on

By

යතුරුපැදියකින් පැමිණි දෙදෙනෙකු විසින් මෝටර් රථයක ගමන් කරමින් සිටි පුද්ගලයන් දෙදෙනෙකු හට කඳාන ජනතා පොළ ආසන්නයේදී අද (ජූලි 03) වෙඩි තබා තිබේ.

මෙම සිද්ධියෙන් හිටපු අමාත්‍ය – මංගල සමරවීර මහතාගේ පෞද්ගලික ලේකම් ලෙස කටයුතු කළ සමීර මනහර මහතා ද තුවාල ලබා ඇතැයි වාර්තා වේ.

තුවලකරුවන් රාගම රෝහලට ඇතුළත් කර ඇතැයි පොලිසිය පවසයි.

සිද්ධිය සම්බන්ධයෙන් පරීක්ෂණ ආරම්භ කර තිබේ.

Continue Reading

පුවත්

මොනරා ගමනය නිමයි; ස්වර්ණවාහිනිය අර්බුදයක; ටෙලි නිෂ්පාදකයෝ අමාරුවේ

Published

on

By

ආඩම්බරකාර ටෙලිවිෂන් සම්ප්‍රාප්තිය ලෙස වර ගන්වමින් මීට වසරකට පෙර ආරම්භ කරන ලද මොනරා TV වසා දැමීමට කටයුතු කර ඇතැයි වාර්තා වේ.

කෙසේවුවද, එහි සේවකයන්ට දන්වා ඇත්තේ පරිපාලන අවුලක් නිරවුල් කර ගැනීමට මෙය තාවකාලිකව වසා දැමුණු බවයි.

ස්වර්ණවාහිනී මාධ්‍ය ජාලයට අනුබද්ධිතව ආරම්භ කරන ලද මොනරා TV ඉකුත් 2024-06-25 වැනිදා වෝටර්ස් එජි හි විශාල උත්සවයක් පවත්වා ආරම්භ කරන ලදී.


එහි ප්‍රධානියා ලෙස කටයුතු කරනු ලැබුවේ බුද්ධික වික්‍රමාදර මහතා ය.

කෙසේවුවද, ආදළ රූපවාහිනී නාලිකාවට ටෙලිනාට්‍ය සපයන ලද ටෙලිනාට්‍ය නිෂ්පාදකයින්ට රුපියල් ලක්ෂ 2000 ක පමණ හිඟ මුදල් පවතින බවද පැවසේ.

මේ අතර, ආර්ථික කඩාවැටීමකින් ක්‍රියාත්මක වන ස්වර්ණවාහිනී නාලිකාවද දැඩි මූල්‍ය අර්බුදයක සිටින බව පැවසේ.

ස්වර්ණවාහිනිය කලක සිට ටෙලිනාට්‍ය වලට ගෙවනු ලැබුවේ කොටස් 60ක් පමණ එම නාලිකාවේ විකාශයවීමෙන් පසුව බවද වාර්තා වේ.


ඒ අනුව ටෙලිනාට්‍ය නිෂ්පාදකයකුට රුපියල් ලක්ෂ 150ක් පමණ ටෙලිනාට්‍යකට ආයෝජනය කර එහි මුදල් ලබා ගැනීමට මාස තුනකට ආසන්න කාලයක් බලා සිටීමට සිදුව ඇති බව ද ටෙලිනාට්‍ය අධ්‍යක්ෂවරයකු අප වෙත පැවසීය.

එසේ මුදල් ගෙවීමේදී ද මුදල් ගෙවනු ලබන්නේ කොටස් 5ක් වැනි ප්‍රමාණයකට බවද වාර්තා වේ.


මේ පිපිරීමත් සමඟ ටෙලිනාට්‍ය නිෂ්පාදකයින් දැඩි අර්බුදයක පවතින බවද වාර්තා වේ.
එසේම, ස්වර්ණවාහිනියේ වත්මන් ප්‍රධාන විධායක නිලධාරී සුසාර දිනාල් මහතා එම ධූරයට පත්වීමට පෙර එයට ටෙලිනාට්‍ය සැපයූ ටෙලි නිෂ්පාදකයින්ට ඔවුන්ගේ විකාශය වූ ටෙලිනාට්‍යවල මුදල් ලබා ගැනීම තවත් අපහසුව ඇතැයි වාර්තා වේ.

ඒ අදාළ මුදල් සුසාරට පෙර එහි ප්‍රධාන විධායක නිලධාරියා ලෙස කටයුතු කළ උදාර විජේසිංහ මහතාගෙන් ඒවා ඉල්ලා ගන්නා ලෙස වත්මන් පාලන අධිකාරිය විසින් පැවැසීම නිසාය.

ස්වර්ණවාහිනී මාධ්‍ය ජාලයේ හිමිකරුවන්නේ ලයිකා මොබයිල් හිමිකාර සුභාෂ්කරන් අලි රාජා මහතා ය.

Continue Reading

පුවත්

අයවැයෙන් ඉහළ දැමු විශ්‍රාම වැටුප් මේ මාසයේ සිට

Published

on

By

අයවැයෙන් ඉහළ දැමීමට තීරණය කළ, වීශ්‍රාම වැටුප් මේ මාසයේ සිට ලබාදෙන බව රාජ්‍ය පරිපාලන, පළාත් සභා හා පළාත් පාලන අමාත්‍යංශය පවසයි.

අමාත්‍ය මහාචාර්ය චන්දන අබේරත්න මහතා සඳහන් කළේ, විශ්‍රාමික රාජ්‍ය සේවකයින් ලක්ෂ 5කට අධික පිරිසකට එම ඉහළ දැමූ විශ්‍රාම වැටුප් හිමි වන බවයි. 

Continue Reading
Advertisement

Trending

Copyright © 2023 Sri Lanka Mirror. All Rights Reserved