දෙමළ ජනතාව මුහුණ දෙන ගැටලු පිළිබඳව ලබන සතියේ පැවැත්වීමට නියමිත සාකච්ඡාවක් සඳහා ජනාධිපති රනිල් වික්‍රමසිංහ මහතා සියලු දෙමළ දේශපාලන පක්ෂවලට ආරාධනයක් සිදුකර තිබේ.

අද (10) දිනයේදී පාර්ලිමේන්තුව අමතමින් ඔහු පවසා සිටියේ ලබන වසරේ 75 වැනි නිදහස් දින සැමරුම් උත්සවයට පෙර බාහිර මැදිහත්වීම්වලින් තොරව එම ගැටලු සුහදව විසඳා ගැනීමට මෙම සාකච්ඡාව පැවැත්වෙන බවයි.

ඔහු වැඩිදුරටත් පවසා ඇත්තේ උතුරු පළාතේ පුනර්ජනනීය බලශක්ති විභවයන් සහ උතුරු ආර්ථිකය නැංවිය හැකි හරිත හයිඩ්‍රජන් සඳහා ඇති ඉඩකඩ පිළිබඳව වාර්තාවක් කැඳවා ඇති බවයි.

තවද, ලබන වසරේදී ශ්‍රී ලංකාව කිසිඳු ආහාර සුරක්ෂිතතා ගැටළුවකට මුහුණ නොදෙන බවට විශ්වාසය පළ කළ ජනාධිපතිවරයා, මිලියන 20-30 අතර ජනතාවක් අප්‍රිකාවේ අඟ (Horn of Africa) ප්‍රදේශයේ පීඩාවට පත්වනු ඇති බවත්, ඉන් බොහෝ දෙනෙක් මිය යනු ඇති බවත් අනතුරු ඇඟවූ ජනපතිවරයා, යුක්රේනයට උදව් කළ අයුරින්ම එම කොන්දේසි යටතේම ඔවුන්ට සහය වන ලෙස ජාත්‍යන්තර මූල්‍ය අරමුදලෙන් ඉල්ලා සිටියේය.

Addressing @ParliamentLK today (10), President @RW_UNP invited all Tamil political parties to a discussion scheduled for next week to discuss issues facing the Tamils & to resolve these issues amicably without outside interference prior to 75th Independence Day celebrations (1/2)

— PMD (@PMDNewsGov) November 10, 2022

President @RW_UNP expressed confidence that #LKA would not face any food security issues next year but warned that between 20-30 million people will be affected & many will die in the Horn of Africa & called on @IMFNews to assist them on the same terms as they helped #Ukraine.

— PMD (@PMDNewsGov) November 10, 2022