පුවත්
IOC පෙට්‍රල් හා ඩීසල්වල අවුලක් නෑ – ඛනිජ තෙල් තොග ගබඩා පර්යන්තය
පෙට්‍රල් සහ ඩීසල් සම්බන්ධයෙන් විවිධ මාධ්‍ය ඔස්සේ පැතිරයන අසත්‍ය ප්‍රචාරයන්ට නොරැවටෙන ලෙස විශේෂ නිවේදනයක් නිකුත් කරමින් ඛනිජ තෙල් තොග ගබඩා පර්යන්තය ජනතාවට දැනුම්දෙයි.
ලංකා ඉන්දියානු තෙල් සමාගමෙන් (Lanka IOC) ඇනවුම් කරන ලද ඩීසල් සහ පෙට්‍රල් පිළිබඳව ඛනිජ තෙල් තොග ගබඩා පර්යන්තය විසින් මෙම විශේෂ නිවේදන‍ය නිකුත් කර තිබේ.
ඒ අනුව ඩීසල් සහ පෙට්‍රල් 92 තොගයක් රැගත් එම්.ටී. ෆොස් පවර් නෞකාව පසුගිය නොවැම්බර් 5 වනදා අලුයම කොළඹ වරායට සේන්දුවී ඇතැයි එම නිවේදනයේ දැක්වෙයි.
ගොඩබෑමට අවසර දෙනු ලැබුවේ එහි තිබූ පෙට්‍රල් 92 රසායනාගාර පරීක්ෂාවේදී ප්‍රමිතියට අනුකූල බව සහතිකවීමෙන් පසුව බවද කියයි.
ඩීසල් තොගයේ පරීක්ෂණ කටයුතු තවදුරටත් සිදුවෙන බැවින් එහි ප්‍රතිඵලය අනුව ඒවා ගොඩබෑම කෙරෙහි තීරණය කිරීමට නියමිතය.
