Connect with us

පුවත්

Unilever ෂැම්පුවල පිළිකාකාරක; ෂැම්පු තොගපිටින් නැවත කැඳවයි

Published

on

පිලිකා කාරකයක් වන බෙන්සීන් (Benzene) අඩංගු විය හැකි බැවින් තම වියළි ෂැම්පු නිෂ්පාදන කිහිපයක් ආපසු කැඳවීමට යුනිලීවර් (Unilever) සමාගම විසින් කටයුතු කර ඇතැයි විදෙස් මාධ්‍ය වාර්තා කර ඇත.

New York Times පුවත්පත සඳහන් කරන අන්දමට 2021 ඔක්තෝබර් මාසයට ප්‍රථම නිෂ්පාදනය කරන ලද Dove, Nexxus, Suave, TIGI හා TREsemme යන සන්නාම යටතේ වන dry shampoo වර්ග පාරිභෝගිකයන්ට භාවිතා නොකරන ලෙසට ජනතාව වෙත දන්වා ඇත.

ඇමරිකාවට හා කැනඩාවට අදාල වන ලෙස මෙම නිෂ්පාදන නැවත කැඳවීමේ නිවේදනය නිකුත් කර ඇති අතර යුනිලීවර් සමාගම පවසන පරිදි වෙළෙඳ පොළේ ඇති එම සියලු නිෂ්පාදන රාක්ක වලින් ඉවත් කිරීම සඳහා ද සඳහා ද පියවර ගෙන ඇත.

යුනිලීවර් සමාගමේ අභ්‍යන්තරපරීක්ෂණ වල ප්‍රතිඵලයක් ලෙස ඔවුන් මෙය ස්වෙච්ඡාවෙන් ආපසු කැඳවීම සිදු කරන බව යුනිලීවර් සමාගම තම ප්‍රකාශවල සඳහන් කර තිබේ. තවද මෙම ගැටලුව විසඳීම සඳහා සැපයුම්කරුවන් සමග කටයුතු කරන බවට ප්‍රකාශ කර ඇත.

ඇමරිකාවේ FDA ආයතනයට අනුව බෙන්සීන් සමට අවශෝෂණය කරගත හැක. දිගු කාලීනව මෙම බෙන්සීන් වලට නිරාවරණය වීමෙන් ලියුකේමියාව හා රුධිර සෛල පිළිකා ඇතිවිය ඇති විය හැකි බව ඇමෙරිකාවේ සෞඛ්‍ය හා මානව සේවා දෙපාර්තමේන්තුව ප්‍රකාශ කර ඇති අතර එය කාන්තාවන්ගේ ප්‍රජනන අවයවයන්ට ද හානිකර හැකි බවද සඳහන් වේ.

යුනිලීවර් පාරිභෝගිකයන්ට මෙම බලපෑමට ලක්වූ නිෂ්පාදනයන් භාවිතය වහාම නතර කරන ලෙසත් ඔවුන්ට මිලදී ගත් භාණ්ඩ සඳහා ප්‍රතිපූර්ණය ට යුනිලීවර් සමාගමෙන් ඉල්ලා සිටින ලෙසත් සමාගම සඳහන් කර ඇත.

මුලාශ්‍ර පුවත් :

The West Australian :
Unilever recalls multi-branded dry shampoos after detection of elevated levels of carcinogen benzene


DNA :
Dove, Tresemme causing cancer in US? Unilever recalls dry shampoo tainted with benzene

පුවත්

ඉරාන තානාපති කොළඹ සාප්පු සංකීර්ණයක රථගාලකදී ආරවුලක පැටලෙයි

Published

on

By

ඉරාන තානාපති ආචාර්ය  ඩෙල්ක්‍රොෂ් (A Delkhosh) මහතාට පහරදී , අනතුරකට ලක්කළ ව්‍යාපාරිකයෙකු අත්අඩංගුවට ගත් බව කොම්පඤ්ඤවීදිය පොලිසිය කියයි.

තානාපතිවරයා කොළඹ සාප්පු සංකීර්ණයක රථගාලට  රථය ඇතුල් කරන අවස්ථාවේදී තවත් මෝටර් රථයක රියදුරෙක් සමඟ ආරවුලක් හටගෙන ඇති අතර එහිදී එම පුද්ගලයා තානාපතිවරයාට පහරදී එම ස්ථානයෙන් පලා යාමට උත්සාහ දරා ඇතැයි පොලිසිය කියයි.

එහිදි තානාපතිවරයා සිය මෝටර් රථයෙන් බිමට බැස  පලායාමට උත්සාහ දරන මෝටර් රථයේ බොනොට්ටුවට අත තබාගෙන පොලිස් නිලධාරීන් පැමිණෙනතුරු සිටින ලෙස මෝටර් රථයේ රියදුරුට දැනුම් දී ඇත.

 එම අවස්ථාවේදී මෝටර් රථයේ රියදුරු විසින් මෝටර් රථය පණ ගන්වා  මීටර් 15ක්දි පමණ ඉදිරියට රිය  ධාවනය කර ඇතැයි පොලිසියේ සිදුකළ විමර්ශනවලදී අනාවරණය වී ඇත.

අත්අඩංගුවට ගත් සැකකරු කොළඹ හත වෝඩ් පෙදෙසේ පදිංචි. වයස අවුරුදු තිස්තුනක පුද්ගලයෙකි.

Continue Reading

පුවත්

මුදල් හා රන්බඩු කොල්ල කන්න පවුලක්ම මරලා!

Published

on

By

බාප්පා,පුංචි සහ සහෝදරයා මරා මුදල් හා රන් භාණ්ඩ සොරාගත් පුද්ගලයකු අත්අඩංගුවට ගත් බව නාල්ල පොලිසිය කියයි.

අද අලුයම හතරට පමණ මාලදෙනිය ප්‍රදේශයේ නිවසකදී මෙම අමානුෂික ඝාතනය සිදුව ඇතැයි ද පොලිසිය සඳහන් කරයි.

පාපැදියකින් ගමන් ගත් පුද්ගලයකු පරීක්ෂා කළ පොලිසිය ඔහු සතුව රුපියල් ලක්ෂ 3කට ආසන්න මුදලක් සහ රන් භාණ්ඩ තිබී හමුවී ඇත.

ඒ සම්බන්දයෙන් සැකකරු අත්අඩංගුවට ගෙන පොලිසියට රැගෙන ගොස් පරීක්ෂා කිරීමේදී ඔහු සතුව තිබූ ලිපියන් සම්බන්දයෙන් පරීක්ෂා කිරීමේදී මෙම ඝාතනයේ තොරතුරු අනාවරණය වූ බව පොලිසිය සඳහන් කරයි.

මෙසේ ඝාතනය කර ඇත්තේ තම බිරියගේ බාප්පා,පුංචි සහ ඔවුන්ගේ දරුවා බව මෙතෙක් සිදු කල පරීක්ෂණවලින් අනාවරණය වන බව ද පොලිසිය සඳහන් කරයි.

(ලංකාදීප)

Continue Reading

පුවත්

රුසියානු තානාපති කාර්යාලයේ වැඩ බැලීමට විදේශ සේවයේ විශ්‍රාමිකයකු යවයි

Published

on

By

රුසියාවේ ශ්‍රී ලංකා තානාපති ධූරය තවමත් හිස්ව පැවතීම නිසා නව තානාපතිවරයකු පත් කරන තුරු විදේශ සේවයේ ජ්‍යෙෂ්ඨ නිලධාරියෙකු එම තානාපති කාර්යාලයේ වැඩ බැලීමට යැවීමට රජය සැලසුම් කර ඇතැයි වාර්තා වේ.

මේ අතර විදේශ කටයුතු රාජ්‍ය අමාත්‍ය තාරක බාලසූරිය මහතා මාධ්‍යට පවසා ඇත්තේ, තානාපතිවරයෙකු නොමැති වීම හුදෙක් කාර්ය පටිපාටියේ පරතරයක් පමණක් බවත්, රුසියාවේ පවතින විශේෂ තත්ත්වය මත විදේශ කටයුතු අමාත්‍යාංශයේ ජ්‍යෙෂ්ඨ නිලධාරියෙකු එහි කටයුතු අධීක්‍ෂණය කිරීමට යොමු කරන බවයි.

මෙසේ යවන්නේ විශ්‍රාමික විදේශ සේවයේ ජ්‍යෙෂ්ඨයකු බවත්, දැනට තානාපතිවරයකු නොමැති වීම ප්‍රධාන ප්‍රශ්නයක් නොවන බවද ඔහු අවධාරණය කර තිබේ.

අමාත්‍යවරයා වැඩිදුරටත් පවසා ඇත්තේ එහි දැනටමත් විදේශ සේවයේ ජ්‍යෙෂ්ඨ නිලධාරියෙකු සිටින බවත්, සිදුවෙමින් පවතින හදිසි අවශ්‍යතාවය සැලකිල්ලට ගෙන, ඉතා ජ්‍යෙෂ්ඨ විදේශ සේවා නිලධාරියෙකු යවන්නේ දැනට රුසියාවේ සිටින නිලධාරියා ප්‍රමාණවත් නොවන නිසා නොවන බවද ඔහු කියා සිටී.

මෙහෙයුම ශක්තිමත් කිරීම සඳහා මෙය සිදු කරන බවත්, සාමාන්‍ය ප්‍රොටෝකෝලය අනුව කටයුතු සිදුවන බවද බාලසූරිය මහතා අවධාරණය කර ඇත.

කෙසේවුවද, රුසියාවට තානාපතිවරයකු පත් කර ඇතත් ඔහු කවුරුන්ද යන්න මාධ්‍යට හෙළි නොකිරීමට ද බාලසූරිය මහතා කටයුතු කර තිබේ.

රුසියානු සමූහ ආණ්ඩුවේ හිටපු ශ්‍රී ලංකා තානාපතිනිය වන මහාචාර්ය ජනිතා ඒ ලියනගේ මහත්මියට සේවා දිග තුනක් ලබාදී තිබුණු අතර, ඇය පසුගිය අප්‍රේල් 29 වැනිදා මොස්කව්හි ශ්‍රී ලංකා තානාපති කාර්යාලයේ සිය සේවය අවසන් කර ඇත.

වර්තමානයේ, රුවිනි කේ. මුනිදාස මහත්මිය තානාපති කාර්යාලයේ භාර නිලධාරිනිය ලෙස කටයුතු කරනු ලබයි.

Continue Reading
Advertisement

Trending

Copyright © 2023 Sri Lanka Mirror. All Rights Reserved