2023 ආසියානු කුසලාන ක්‍රිකට් තරගාවලිය පකිස්ථානයේදී අද (30) ආරම්භ වේ.
තරගාවලිය ආරම්භ කරමින් අද දිනයේ පළමු තරගය පකිස්ථානය සහ නේපාලය අතර පකිස්ථානයේ මුල්තාන්හිදී පැවැත් වේ.
බාබර් අසාම් පකිස්ථාන කණ්ඩායමට නායකත්වය ලබා දෙන අතර නේපාල කණ්ඩායම මෙහෙයවන්නේ රෝහිත් පැවුඩෙල් විසිනි.
තරගාවලිය මෙවර පකිස්ථානයේ සහ ශ්‍රී ලංකාවේ සම සත්කාරක්තවයෙන් පැවැත් වේ.
කණ්ඩායම් 6ක් එක්වන තරගාලිය A සහ B ලෙස කාණ්ඩ දෙකකින් ක්‍රියාත්මකයි.
පකිස්ථානය, නේපාලය සහ ඉන්දියාව A කාණ්ඩයෙන් තරග වඳින අතර
ශ්‍රී ලංකාව, බංග්ලාදේශය සහ ඇෆ්ගනිස්ථානය තරග කරන්නේ B කාණ්ඩයෙන් තරගවදියි.
අවස්ථා 7කදී ආසියානු ශූරයින් බවට පත් වූ ඉන්දියාව මෙවරත් තරගාවලියේ සාර්ථකම කණ්ඩායම බව ක්‍රිකට් විචාරක මතය වේ.
වත්මන් ආසියානු ක්‍රිකට් ශූර ශ්‍රී ලංකාව ජයගෙන ඇති කුසලාන සංඛ්‍යාව 6කි.
පකිස්ථානය හිමිකරගෙන තිබෙන්නේ, ආසියානු කුසලාන දෙකක් පමණයි.
ඇෆ්ගනිස්ථානය, බංග්ලාදේශය සහ නේපාලය මෙවර තරගාවලියට එක්වන්නේ සිය කුළුඳුල් ආසියානු කුසලාන තමන් සතු කර ගැනීමේ අපේක්ෂාවෙනි.
