මේ දිනවල සිම්බාබ්වේ හි පැවැත්වෙන 2023 ලෝක කුසලාන ක්‍රිකට් තරගාවලියට සුදුසුකම් ලබා ගැනීමේ ශ්‍රී ලංකා කණ්ඩායම සහභාගි වෙන මීළඟ තරගය ස්කොට්ලන්තය සමග අද (26 ) දහවල් 12.30ට පැවැත් වේ.
‘බී’ කාණ්ඩය යටතේ ශ්‍රී ලංකාව සහභාගි වන සිව්වැනි තරගය මෙය වේ.
මේ දක්වා සහභාගි වූ තරග තුනම ජයගෙන අපරාජිතව සිටින ශ්‍රී ලංකාව අද තරගයට පිවිසෙන්නේනේබී’ කාණ්ඩයේ පෙරමුණේ සිටිමින්ය.
පැවැති තරග තුනේදීම ක්‍රීඩා කළ ශ්‍රී ලංකා කණ්ඩායම අද තරගයට ද සහභාගි වීමට නියමිත බව ඒරට ආරංචි මාර්ගවලින් වාර්තා වේ.
මේ අතර ස්කොට්ලන්තය ද අද තරගයට අපරාජිතව සහභාගි වීම කැපී පෙනෙන කාරණයකි.
කෙසේ වෙතත් මේ වන විට ශ්‍රී ලංකාව, ස්කොට්ලන්තය සහ ඕමානය සුපිරි කණ්ඩායම් හය වටයට සුදුසකම් ලබා සිටී.
එම වටයේදී ශ්‍රී ලංකා කණ්ඩායම සහභාගි වන පළමු තරගය මේ මස 30 වැනිදා නෙදර්ලන්තය සමගින් පැවැත් වේ.
එම වටයේ ශ්‍රී ලංකාව සහභාගි වන දෙවැනි තරගය ජුලි 2 වැනිදා සත්කාරක සිම්බාබ්වේ කණ්ඩායම සමගින් පැවැත්වෙන වේ.
ඒහි තෙවැනි තරගය ජුලි මස 7 වැනිදා බටහිර ඉන්දීය කොදෙව් කණ්ඩායම සමගින් පැවැත්වීට නියමිතය.
එම සෑම තරගයක්ම ශ්‍රී ලංකා වේලාවෙන් දහවල් 12.30ට පැවැත්වෙනු ඇත.
පැවැති තරග තුනේදීම කඩුලු පහ බැගින් වාර්තා කළ වනිඳු හසරංග අද තරගයේදීද කඩුලු පහක් වාර්තා කළහොත් එම දක්ෂතාවය දැක්වූ ලොව පළමු පන්දු යවන්නා බවට ඔහු පත්වනු ඇත.
