ලෝක ගෘහස්ථ ක්‍රිකට් ලෝක කුසලානයේ  සත්කාරකත්වය ශ්‍රී ලංකාව හිමිව තිබේ.

12 වැනි වරට පැවැත්වෙන ගෘහස්ථ ක්‍රිකට් ලෝක කුසලාන තරඟාවලිය, ලෝක ගෘහස්ථ ක්‍රිකට් සම්මේලනයේ (WICF) අධීක්ෂණය යටතේ පැවැත්වෙනු ඇත.

මෙවර තරගාවලිය සංවිධානය කිරීම සිලෝන් ගෘහස්ථ ක්‍රිකට් සම්මේලනය වෙත (CICA) පවරා ඇති අතර, තරගාවලිය එළඹෙන සැප්තැම්බර් 27 සිට ඔක්තෝබර් 05 වැනි දා දක්වා තලවතුගොඩ ඔස්ටේසියා ක්‍රීඩා සංකීර්ණයේ දී පැවැත්වීමට නියමිතය.

තරගාවලිය පිරිමි විවෘත, කාන්තා විවෘත, 22න් පහළ පිරිමි සහ කාන්තා ලෙස කාණ්ඩ හතරක් යටතේ ක්‍රියාත්මක වේ.

මෙවර තරගාවලියට ඕස්ට්‍රේලියාව, ඉන්දියාව, නවසීලන්තය, දකුණු අප්‍රිකාව, එංගලන්තය, එක්සත් අරාබි එමීර් රාජ්‍යය, සිංගප්පූරුව, ඇමරිකාව සහ සත්කාරක ශ්‍රී ලංකාව යන රටවල් සහභාගී වීමට නියමිතය.

1995 වසරේ දී ආරම්භය ලද මෙම තරගාවලිය මීට වසර 21කට පෙර ද ශ්‍රී ලංකාවේ පවත්වා ඇති අතර, මෙතෙක් පැවැත්වූ සෑම තරගාවලියක් ම ජයග්‍රාහකයන් වූයේ  ඕස්ට්‍රේලියාව යි.

ශ්‍රී ලංකා කණ්ඩායම එක් වරක් තරගාවලියේ අනු ශූරතාව හිමි කර ගැනීමට සමත්විය.

චීනයේ නැංජින් හි පැවැත්වෙන ලෝක ගෘහස්ත මලල ක්‍රීඩා ශූරතාවලියේ අද (22) පැවැති මීටර 60 කඩුළු පැනීම ඉසව්වේ අවසන් පූර්ව වටයට සුදුසුකම් ලබාගැනීමට නදුන් කවීෂ සමත්විය.

4වන මූලික තරගයට (Heat 4) සහභාගි වූ නදුන් සිය ඉසව්ව තත්. 7.87කින් අවසන් කිරීමට සමත් වූ අතර, ඔහුට එහිදී 5වන ස්ථානය හිමිවිය.

කෙසේ නමුත් ඔහු තරගය අවසන්කළ කාලය මූලික වටයේ තරග අවසානයේදී පළමු ක්‍රීඩකයන් 24 අතර රැඳීමට හේතු වූ බැවින් ඔහුට අවසන් පූර්ව වටයට සුදුසුකම් ලැබීමට වරම් හිමිවිය.

මෙහි අවසන් පූර්ව තරගය මෙරට වෙලාවෙන් අද (22) ප.ව. 5.20ට ආරම්භවීමට නියමිතය.

හිටපු ශ්‍රී ලංකා ක්‍රිකට් ක්‍රීඩක චාමර සිල්වා මීළඟ අවුරුදු 19 න් පහළ ලෝක කුසලාන ක්‍රිකට් තරගාවලිය තෙක් ශ්‍රී ලංකා අවුරුදු 19 න් පහළ ක්‍රිකට් කණ්ඩායමේ ප්‍රධාන පුහුණුකරු ලෙස පත් කර ඇත.

මෙම පත් කිරීමට පෙර චාමර පොලිස් ක්‍රීඩා සමාජයේ පුහුණුකරු ලෙස වසර ගණනක් කටයුතු කළේය.

ඒ අතර ඔහු ප්‍රධාන පොලිස් පරීක්ෂකයකු ලෙසද එහි පත්වීමක් ලබා ගත්තේය.

චාමර සිල්වාගේ පුහුණු සහායකයන් ලෙස සමන් ජයන්ත ( පිතිකරණ), දිල්‍ රුවන් පෙරේරා( දඟ පන්දු ) කටයුතු කරනු ඇත.