ක්‍රීඩා

ශ්‍රී ලංකා ක්‍රිකට් පිල පැතුම් නැතිව බංග්ලාදේශයට!

Published

1 year ago

February 29, 2024

nipuni

ශ්‍රී ලංකා ක්‍රිකට් කණ්ඩායම දීර්ඝ තරග සංචාරයක් අරඹමින් අද (29) බංග්ලාදේශය බලා පිටත්ව යයි.

ශ්‍රී ලංකා ක්‍රිකට් ආයතනය ඊයේ නිවේදනය කළ විස්සයි20 සංචිතයට ක්‍රීඩකයන් 17 දෙනකු ඇතුළත්ව ඇති අතර ඒ අනුව ඔවුන් අද (29) මෙරටින් පිටත්ව යන කණ්ඩායමට ඇතුළත් වෙති.

මේ කණ්ඩායමේ නායකයා ලෙස වනිඳු හසරංග කටයුතු කරන අතර ඔහුට ඇෆ්ගනිස්තානය සමඟ පැවති තරගාවලියෙන් අනතුරුව තරග දෙකක තහනමක් පැනවීම හේතුවෙන් බංග්ලාදේශයට එරෙහි මුල් තරග දෙකේදී උපනායක චරිත් අසලංක වැඩ බලන නායකයා ලෙස කටයුතු කිරීමට නියමිත බව වාර්තා වේ.

නිමා වූ ඇෆ්ගනිස්තානයට එරෙහිව ක්‍රීඩා කළ පැතුම් නිශ්ශංක හැර සෙසු ක්‍රීඩකයන් 15 දෙනා මේ සංචාරයට නම් කර ඇති අතර ඊට අමතරව විස්සයි20 තරගාවලිය වෙනුවෙන් දඟ පන්දු යවන ක්‍රීඩක ජෙෆ්රි වැන්ඩර්සේ සහ ආරම්භක පිතිකරු අවිශ්ක ප්‍රනාන්දු කැඳවීමට ශ්‍රී ලංකා ක්‍රිකට් තේරීම් කමිටුව කටයුතු කර තිබේ.

වැන්ඩර්සේ විස්සයි20 තරගාවලියකට කැඳවා ඇත්තේ වසර 2කට පසුව වන අතර අවිශ්කට වසරකට පසු විස්සයි20ට අවස්ථාවක් හිමිව තිබීම විශේෂත්වයකි.

2022 වසරේ පෙබරවාරි මස ඉන්දියාවට එරෙහිව අවසන් විස්සයි20 තරගයකට එක් වූ වැන්ඩර්සේ තරග 14කදී දවාගෙන ඇති කඩුලු සංඛ්‍යාව 7කි.

නායක වනිඳුට මුල් තරග දෙක අහිමි වීම හේතුවෙන් වැන්ඩර්සේට ඒ සඳහා ක්‍රිඩා කිරීමේ අවස්ථාව හිමිවනු ඇතැයි අපේක්ෂා කෙරේ.

ආරම්භක පිතිකරු පැතුම් නිශ්ශංක ඇෆ්ගනිස්තානයට එරෙහි විස්සයි20 තරගාවලියේදී පාදයේ ආබාධයකට ලක්වූ අතර ඒ හේතුවෙන් මේ තරගාවලිය අහිමිවීම නිසා ඔහු වෙනුවට අවිශ්ක කැඳවා තිබේ.

ඔහු මෙලෙස විස්සයි20 තරගාවලියකට එක් වන්නේ වසරකට පසුවය.

අවිශ්ක අවසන් වරට පසුගිය වසරේ ජනවාරි මස ඉන්දියාවට එරෙහිව විස්සයි20 තරගාවලියකට එක් විය. විස්සයි20 තරග 33කට ක්‍රීඩා කර ඇති අවිශ්ක ලකුණු 337ක් රැස් කර ඇත.

ශ්‍රී ලංකා පිල බංග්ලාදේශයේදී පූර්ණ තරග සංචාරයකට එක්වන අතර එහිදී විස්සයි20 තරග 3ක්, එක්දින තරග 3ක් සහ ටෙස්ට් තරග දෙකක් ඇතුළත්ව තිබේ.

දෙරට අතර විස්සයි20 තරගාවලිය මේ 4 වැනිදා සිල්හෙට්හිදී ආරම්භ වන අතර දෙවැනි සහ තෙවැනි තරග පිළිවෙළින් මාර්තු 6 සහ 9 දිනවල සිල්හෙට්හිදීම පැවැත්වේ.

ශ්‍රී ලංකා විස්සයි20 සංචිතය – වනිඳු හසරංග (නායක), චරිත් අසලංක (උපනායක), කුසල් මෙන්ඩිස්, සදීර සමරවික්‍රම, ඇන්ජලෝ මැතිව්ස්, දසුන් ශානක, මහීෂ් තීක්ෂණ, ධනංජය ද සිල්වා, කුසල් ජනිත් පෙරේරා, ඩිල්ෂාන් මධුෂංක, නුවන් තුෂාර, මතීෂ පතිරණ, අකිල ධනංජය, බිනුර ප්‍රනාන්දු, කමිඳු මෙන්ඩිස්, අවිශ්ක ප්‍රනාන්දු, ජෙෆ්රි වැන්ඩර්සේ.

ක්‍රීඩා

IPL ක්‍රිකට් තරගාවලියේ අවසන් මහා තරගය අද

Published

5 hours ago

June 3, 2025

editor

ඉන්දීය ප්‍රිමියර්ලීග් ක්‍රිකට් තරගාවලියේ අවසන් මහා තරගය අද (03) පැවැත්වීමට නියමිතය.

ඒ පන්ජාබ් කිංග්ස් කණ්ඩායම සහ රෝයල් චැලෙන්ජර්ස් බැංගලෝර් කණ්ඩායම් අතරය.

තරගය අහමදාබාද්හි දී ශ්‍රී ලංකා වේලාවෙන් රාත්‍රී 07.30ට ආරම්භ වීමට නියමිතය.

දෙවන වරට ඉන්දීය ප්‍රිමියර්ලීග් ක්‍රිකට් තරගාවලියේ අවසාන මහා තරගයකට සුදුසුකම් ලැබීමට පංජාබ් කිංග්ස් පිල සමත්ව තිබේ.

ඔවුන් පළමු වරට 2014 වසරේ අවසාන මහා තරගයකට සුදුසුකම් ලැබීමට සමත් වුවත් කොල්කටා නයිට්රයිඩර්ස් පිල හමුවේ පරාජයට පත්වුණි.

රෝයල් චැලෙන්ජර්ස් බැංග්ලෝර් කණ්ඩායම 2009, 2011 හා 2016 යන වසරවල දී ඉන්දීය ප්‍රිමියර්ලීග් අවසාන මහා තරගයට සුදුසුකම් ලැබුව ද ඔවුන්ට ශූරතාවය හිමිකර ගැනීමට නොහැකි වුණි.

ක්‍රීඩා

ICC කාන්තා ක්‍රිකට් ලෝක කුසලානය ලංකාවේ හා ඉන්දියාවේදී

Published

17 hours ago

June 2, 2025

editor

මේ වසරේ ICC කාන්තා ක්‍රිකට් ලෝක කුසලානය පැවැත්වෙන දින හා ක්‍රීඩාංගන ප්‍රකාශයට පත් කර තිබේ.

13 වරටත් පැවැත්වෙන මෙම එක්දින ජාත්‍යන්තර තරගාවලියට ඉන්දියාව, ඕස්ට්‍රේලියාව, එංගලන්තය, දකුණු අප්‍රිකාව, නවසීලන්තය, ශ්‍රී ලංකාව, බංගලාදේශය හා පාකිස්තානය යන රටවල් 08ක් එක්වේ.

සැප්තැම්බර් 30දා – නොවැම්බර් 02දා දක්වා පැවැත්වෙන මෙම තරගාවලිය, ඉන්දියාවේ හා ලංකාවේ ක්‍රීඩාංගන 05ක පැවැත්වෙනු ඇති බව ජාත්‍යන්තර ක්‍රිකට් කවුන්සිලය පවසයි. එම ක්‍රීඩාංගන වන්නේ බෙංගාලූරූ හි එම්. චින්නස්වාමි ක්‍රීඩාංගනය, ගුහාවතී හි ACA ක්‍රීඩාංගනය, ඉන්දෝර් හි හොල්කාර් ක්‍රීඩාංගනය, විශාඛාපට්නම් හි ACA-VDCA ක්‍රීඩාංගනය හා කොළඔ ආර්. ප්‍රේමදාස ක්‍රීඩාංගනයයි.

සමාරම්භක තරගය සැප්තැම්බර් 30දා බෙංගාලූරූ හි දී පැවැත්වීමට නියමිත අතර, පළමු අර්ධ අවසන් පූර්ව තරගය ඔක්තෝබර් 29දා ගුහාවතී හිදී හෝ කොළඹ දී පැවැත්වෙනු ඇත. දෙවැනි අර්ධ අවසන් පූර්ව තරගය ඔක්තෝබර් 30දා බෙංගාලූරූ හි දී පැවැත්වීමට නියමිතය.

මෙහි අවසන් මහා තරගය නොවැම්බර් 02දා බෙංගාලූරූ හි දී හෝ කොළඹදී පැවැත්වීමට නියමිතය.

ක්‍රීඩා

ජාතික තේරීම් කමිටුව පත්කරයි

Published

23 hours ago

June 2, 2025

editor

ජාතික තේරීම් කමිටුව පත් කිරීමට ක්‍රීඩා අමාත්‍යංශය කටයුතු කර තිබේ.

තරුණ කටයුතු සහ ක්‍රීඩා අමාත්‍ය සුනිල් කුමාර ගමගේ සහ ක්‍රීඩා නියෝජ්‍ය අමාත්‍ය සුගත් තිලකරත්න යන අමාත්‍යවරුන්ගේ ප්‍රධානත්වයෙන් පසුගිය 30 වැනිදා තරුණ කටයුතු සහ ක්‍රීඩා අමාත්‍යංශයේදී මෙම පත් කිරීම සිදුකර ඇත.

එහිදී ජාතික තේරීම් කමිටුවේ නව සභාපතිනිය ලෙස ශ්‍රියානි කුලවංශ මහත්මිය පත් කිරීමටද පියවර ගෙන තිබේ.

එම කමිටු නිලධාරීන් පහතින්

01. ශ්‍රියානි කුලවංශ – (සභාපති – ජාතික ක්‍රිඩා තෙරීම් කමිටුව)
02. මේජර් ජෙනරාල් රවී පතිරවිතාණ – (ලේකම් – ජාතික ක්‍රිඩා තේරීම් කමිටුව )
03. මේජර් රාජිත සමරසේකර – (සම්බන්ධීකරණ නිලධාරී – ජාතික ක්‍රිඩා තේරීම් කමිටුව)
04. කමල් ගම්ලත් – විශ්‍රාමික (ක්‍රීඩා භාර නිලධාරී – ක්‍රීඩා අමාත්‍යංශය )
05. රුවන් පෙරේරා – (පාසල් ක්‍රීඩා නියෝජ්‍ය අධ්‍යක්ෂ – සසෙක්ස් විදුහල)
06. ජයමිනි ඉලෙපෙරුම – (විශ්‍රාමික බැංකු නිළධාරීනී – හැටන් නැෂනල් බැංකුව )
07. සුරේෂ් සුබ්‍රමනියම් – (සභාපති – ජාතික ඔලිම්පික් කමිටුව)
08. අනුරාධා ඉලෙපෙරුම – (අතිරේක ලේකම් – තරුණ කටයුතු සහ ක්‍රීඩා අමාත්‍යංශය)