Connect with us

විදෙස්

ඕස්ට්‍රේලියාවත් සංක්‍රමණිකයන් ගණන අඩකින් කපා හරින්න යයි

Published

on

ඕස්ට්‍රේලියාවේ ‘බිඳවැටී ඇති’ ආගමන පද්ධතිය යළි ස්ථාපිත කිරීමේ අරමුණෙන් එරට කරා යන සංක්‍රමණිකයන් ප්‍රමාණය දෙවසරක කාලයක් තුළදී අඩකින් අඩු කිරීමට එරට රජය තීරණය කර ඇත.

ඒ අනුව, 2025 ජුනි වන විට වසරකට ඕස්ට්‍රේලියාවට ඇතුල් වීමට ඉඩදෙන සංක්‍රමණිකයන් ප්‍රමාණය 250,000 දක්වා අඩුකෙරෙනු ඇති බව විදෙස් වාර්තා සඳහන් කරයි.

මෙම නව නීති සැලැස්ම යටතේ ජාත්‍යන්තර සිසුන් සහ අඩු පුහුණු ශ්‍රමිකයින් සඳහා වීසා නීති ද දැඩි වනු ඇතැයි ද පැවසේ.

ඕස්ට්‍රේලියානු ස්වදේශ කටයුතු අමාත්‍යවරිය වන ක්ලෙයාර් ඕ’නීල් විසින් අද දිනයේදී මාධ්‍ය හමුවකදී වසර 10ක සංක්‍රමණ උපාය මාර්ගයක් එළිදක්වා තිබේ.

මෙම වසර මුලදී සිදු කරන ලද සමාලෝචනයක් මඟින් හෙළිදරව් වී තිබුණේ සංක්‍රමණ පද්ධතිය ‘බිඳවැටී ඇති’ බවත්, අනවශ්‍ය ලෙස සංකීර්ණ, මන්දගාමී සහ අකාර්යක්ෂම බවත්, මේ තත්ත්වය වෙනස් කිරීම සඳහා ප්‍රතිසංස්කරණ අවශ්‍ය බවත්ය.

ඕස්ට්‍රේලියාව කරා යන සංක්‍රමණිකයන් ප්‍රමාණය වාර්තාගත ලෙස වැඩිවී ඇති අතර, නිවාස හා යටිතල පහසුකම් දුෂ්කරතා සම්බන්ධ ගැටළු වැඩිකිරීමට හේතුවී ඇත.

කෙසේවෙතත්, එරට පුහුණු ශ්‍රමිකයන්ගේ ද හිඟයක් පවතියි.

පසුගිය සතියේදී බ්‍රිතාන්‍යයද පවසා සිටියේ එරට කරා යන සංක්‍රමණිකයන් ප්‍රමාණය සීමා කිරීමට දැඩි නීතිරීති හඳුන්වාදෙන බවයි.

සබැඳි පුවත් :

බ්‍රිතාන්‍යය, සංක්‍රමණ නීති තවත් දැඩි කරයි

විදෙස්

චීනයේ විදේශ කටයුතු අමාත්‍යංශයට අලුත් උප ඇමතිවරියක්

Published

on

By

චීනයේ විදේශ කටයුතු අමාත්‍යංශයට නව උප ඇමතිවරියක් පත් කර තිබේ.

එරට මානව සම්පත් හා සමාජ ආරක්ෂණ අමාත්‍යංශය නිවේදනය කරන අන්දමට හුවා චුන්යින් මහත්මිය මෙම තනතුරට පත් කරඇත.

විදේශ කටයුතු අමාත්‍යංශයේ කීර්තිමත් රාජ්‍යතාන්ත්‍රිකයෙකු වන හුවා මහත්මිය, වසර 2012 සිට එහි ප්‍රකාශකවරියක් ලෙසද කටයුතු කර තිබේ.

Continue Reading

විදෙස්

ගුවන් අනතුරකින් දොළොස් දෙනෙකුට තුවාල

Published

on

By

දෝහා සිට ඩබ්ලින් දක්වා පියාසර කරමින් තිබූ කටාර් එයාර්වේස් ගුවන් යානයක් තුර්කියට ඉහළින් පියාසර කරමින් තිබියදී ඇති වූ කැළඹිලි තත්ත්වයක් හේතුවෙන් අනතුරට ලක්ව තිබේ.

එහිදී පුද්ගලයන් 12 දෙනෙක් පමණ තුවාල ලබා ඇති ඩබ්ලින් ගුවන් තොටුපළ බලධාරීන් විසින් පවසන ලදී.

විදෙස් මාධ්‍ය වාර්තා පැවසුවේ ගුවන් යානය පියාසර කරන අවස්ථාවේ එම ගුවන් අවකාශයේ තිබූ කාලගුණික තත්ත්වය ඊට බලපා ඇති බවයි.

මේ හේතුවෙන් මගීන් හය දෙනෙකු සහ කාර්ය මණ්ඩල සාමාජිකයින් හය දෙනෙකු තුවාල ලබා ඇත.

විදෙස් මාධ්‍ය වාර්තා කළේ අනතුරට ලක් වූ බෝයිං බී 787-9 ගුවන් යානය ආරක්ෂිතව ගොඩ බැස්සවා ඇති බවයි.

එමෙන්ම තුවාල ලැබූ පිරිස ප්‍රතිකාර සඳහා යොමු කර ඇති බව සඳහන්ය.

Continue Reading

පුවත්

පැපුවා නිව් ගිනියාවේ දරුණු  නායයාමක්

Published

on

By

පැපුවා නිව් ගිනියාවේ දුෂ්කර ගම්මාන හයකට බලපෑම් එල්ල කරමින් ඇති වූ නායයෑමෙන් ජීවිත රැසක් අහිමි වී ඇතැයි විදෙස් මාධ්‍ය වාර්තා කර තිබේ.

ඊයේ (23) සිදු වූ මෙම නායයෑමෙන් නිවාස 100කට වැඩි ගණනක් පස්වලින් සම්පූර්ණයෙන්ම යට වී ඇති බව විදෙස් වාර්තාවල දැක්වේ.

මෙහිදී සිදු වී ඇති ජීවිත හානි ගණන හෝ සුන්බුන් අතර කොපමණ පිරිසක් සිරවී ඇති ද යන්න නිශ්චිතවම තවමත් ප්‍රකාශ කළ නොහැකි බවද පැවසේ.

මෙම නායයෑම සිදු වූ  Enga නම් ප්‍රදේශයේ ආණ්ඩුකාරවරයා මාධ්‍යයට පවසා ඇත්තේ මෙය මීට පෙර සිදුනොවූ ස්වභාවික ව්‍යවසනයක් බවය.

එමෙන්ම පැපුවා නිව් ගිනියාවේ අග්‍රාමාත්‍ය James Marape පවසා ඇත්තේ, මළ සිරුරු ගොඩගැනීම සඳහා අවශ්‍ය සහන සේවා සැපයීමට සහ යටිතල පහසුකම් සඳහා අදාළ ස්ථානයට ආපදා නිලධාරීන් යොමු කර ඇති බවය.

Continue Reading
Advertisement

Trending

Copyright © 2023 Sri Lanka Mirror. All Rights Reserved