Connect with us

විදෙස්

සීෂෙල්ස් රාජ්‍යයේ හදිසි තත්ත්වයක් ප්‍රකාශයට පත් කෙරේ

Published

on

සීෂෙල්ස් රාජ්‍යයේ කර්මාන්ත කලාපයක සිදුවූ විශාල පිපිරීමකින් හා ගංවතුර තත්ත්වයක් හේතුවෙන් එහි හදිසි තත්ත්වයක් ප්‍රකාශයට පත්කර තිබේ.

විදෙස් මාධ්‍ය වල දැක්වෙන්නේ ගල් කොරි අයත්, ඉදිකිරීම් සමාගමක් විසින් කන්ටේනර් 4ක ගබඩා කර තිබූ  පුපුරණ ද්‍රව්‍ය තොගයක් පුපුරා යාමෙන් අනතුරුව Mahé දිවයිනේ නැගෙනහිර වෙරළ තීරය දිගට ඇති වාණිජ ගොඩනැගිලි හා නිවාස රැසකට හානි සිදුව ඇති බවයි.

සිද්ධියෙන් පුද්ගලයන් රැසකට තුවාල සිදුවී ඇති බවත් ඇතැමුන් සිය නිවෙස් වලින් ආරක්ෂිත ස්ථාන කරා යොමු කර ඇති බවත් විදෙස් වාර්තා වැඩිදුරටත් සඳහන් කරයි.

මෙම සිද්ධිය හේතුවෙන් සීෂෙල්ස් ජාත්‍යන්තර ගුවන්තොටුපලට ද හානි සිදුවී ඇති නමුත්, එහි මෙහෙයුම් තවදුරටත් සිදුකරන බවත්, දූපත් අතර බෝට්ටු සේවා ද පවත්වාගෙන යන බවත් එරට නිල X ගිණුමේ දැක්වේ.

මේ අතර, රාත්‍රියේ ඇති වූ අධික වර්ෂා හේතුවෙන් සීෂෙල්ස් රාජ්‍යයේ ස්ථාන රැසකින් ගංවතුර හා නායයාම් ද වාර්තා වී ඇති අතර, නිවෙස් විනාශ වූ පුද්ගලයන් තිදෙනෙකු මියගොස් ඇති බවද වාර්තා වේ.

විදෙස්

ඉරාන ජනපති මියගිය බව තහවුරු වෙයි

Published

on

By

හෙලිකොප්ටර් අනතුරින් ඉරාන ජනපති සහ විදේශ කටයුතු ඇමති මියගොස් ඇතැයි විදෙස් මාධ්‍ය වාර්තා කරයි.

ඉරාන – අසර්බයිජාන දේශසීමාව ආසන්නයේදී හෙලිකොප්ටර් යානය ඊයේ (19) පස්වරුවේ හදිසි ගොඩබෑමකට ලක්ව ඇතැයි වාර්තා විය.

එහෙත්, ඉන් අනතුරුව ඒ පිළිබඳ කිසිදු තොරතුරක් වාර්තා නොවීමත් සමග සෝදිසි මෙහෙයුම් ආරම්භ විය.

අනතුරට පත් හෙළිකොප්ටර් යානය තුළ අසර්බයිජානයේ සිට ආපසු පැමිණෙමින් සිටි ජනාධිපතිවරයා, ඇතුළු පුද්ගලයින් 9 දෙනෙකු ගමන් කර තිබිණි.

ඉරාන විදේශ අමාත්‍ය හුසේන් අමීර් අබ්දොල්ලහන් සහ ජනාධිපතිවරයාගේ ආරක්ෂක නිලධාරීන් මෙන්ම කාර්ය මණ්ඩල සාමාජිකයින් ඒ අතරට ඇතුළත් ය.

කලාපයේ පැවැති අපැහැදිලි කාලගුණය හේතුවෙන් යානය මෙලෙස අනතුරට පත්වූ බව වාර්තා වේ.

Continue Reading

විදෙස්

මෙවර ජපානයේ festival උළෙල කමගයා නගරයේ දී

Published

on

By

මෙවර ජපානයේ festival උළෙල කමගයා නගරයේ දී අද (18) සහ හෙට (19) යන දෙදින පුරා ඉතා උත්කර්ෂවත් අන්දමින් පවත්වනු ලැබේ.

මෙම උළෙලෙහි සමාරම්භක දින වූ අද දින ජපානයේ නියෝජ්‍ය ආරක්ෂක ඇමැති Matsumoto Hisashi මහතා, ශ්‍රී ලංකා ජපන් තානාපති රොඩ්නි පෙරේරා මහතා හා ශ්‍රී ලංකා සංගමයේ ජේෂ්ඨ උපදේශක සමන් ප්‍රියංකර මහතා ඇතුළු විශාල පිරිසක් මේ සඳහා සහභාගි වූහ.

මෙහි පූර්ව ප්‍රචාරක කටයුතු ශින්කෙසේ විදුලි දුම්රිය සමාගම මඟින් සිදු කරනු ලැබු අතර මේ සඳහා මූලිකත්වය ගෙන කටයුතු කරනු ලැබුවේ ජපානයේ ශ්‍රී ලංකා සංගමය, ජපාන ශ්‍රී ලංකා ව්‍යාපාරික සංගමය සහ ජපාන ශ්‍රී ලංකා වාහන අපනයනකරුවන්ගේ සංගමය මගිනි. ‍‍‍‍

සඳහා ජපානයේ විදේශ අමාත්‍යංශය හා ශ්‍රී ලංකා තානාපති කාර්යාලය මෙම උළෙල සඳහා පූර්ණ සහයෝගය  ලබා දීම සිදුවිය.

තෙවනවරටත් පවත්වනු ලබන මෙම festival උළෙලෙහි කුටි 26කින් වර්ණවත් වන අතර ශ්‍රී ලංකාවේ විශේෂ කෑම වර්ග අච්චාරු, එළවළු රොටි, රොටි, වඩේ, කොත්තු, රස කැවිලි වර්ග ආදී විශාල ප්‍රමාණයක් දැකගත හැකි වූ අතර මෙම කෑම වර්ග සඳහා ජපන් ජාතිකයන් වැඩි උනන්දුවක් දැක්වූ අතර මීට අමතරව සංචාරක කර්මාන්තය, ආයුර්වේද හෝටල්, බතික්, මැණික්, ශ්‍රී ලංකාවේ අත්කම්, ශ්‍රී ලංකා රූපලාවන්‍ය හැඩගැන්වී පමණක් නොව ශ්‍රී ලාංකික උඩරට හා පහතරට නර්තනයන් ද මෙම උළෙල තුළ ප්‍රදර්ශනය විය.

එපමණක් නොව මෙහි තවත් සුවිශේෂී අංගයක් ලෙස ජපන් ජාතිකයන් විසින් ශ්‍රී ලංකා ධජය අතැතිව ඉදිරිපත් කරන ලද නර්තනයන් ද දැක්විය හැකිය.

මෙම festival උළෙල සඳහා ජපානයේ වෙසෙන ශ්‍රී ලාංකික පිරිස මෙන්ම ජපන් ජාතිකයන් ද විශාල පිරිසක් සහභාගි විය.

මෙවැනි උත්සව පැවැත්වීම තුළින් ශ්‍රී ලංකාව ලෝකය තුළ ව්‍යාප්ත කිරීම සිදු කරනු ලබන අතර එමඟින් ශ්‍රී ලංකාවේ සංචාරක කර්මාන්තය වැඩි දියුණු වීම සිදුවේ.

මෙම වසර ආරම්භයේ සිට මේ දක්වා ශ්‍රී ලංකාවට පැමිණි ජපන් සංචාරකයන් පිරිස 10 000ක් පමණ වන අතර මෙවැනි උත්සව නිතර පැවැත්වීම තුළින් මෙම පිරිස තවත් වැඩි කරගත හැකිවන බවත් වසර අවසානය වන විට සංචාරකයන් 50 000ක් පමණ ගෙන්වා ගැනීම අරමුණ වන බව ශ්‍රී ලංකා සංගමයේ ජේෂ්ඨ උපදේශක සමන් ප්‍රියංකර මහතා පැවසීය.

Continue Reading

විදෙස්

ආසියාවේ ප්‍රබලයන් අතරට ගිය ලාංකික යුවතිය

Published

on

By

ෆෝබ්ස් සඟරාව නවවැනි වරටත් පසුගියදා ප්‍රකාශයට පත් කළ “30 Under 30 Asia” ලැයිස්තුවට ඇතුළුවීමට ශ්‍රී ලාංකික රංගන ශිල්පිනියක සහ චිත්‍රපට නිෂ්පාදිකාවක වන ඩිනාරා පුංචිහේවා මහත්මිය සමත් වූවාය.

මෙම ලැයිස්තුවට ආසියා පැසිෆික් කාලාපයේ වෙනසක් ඇතිකළ ව්‍යවසායකයන්, නායකයන් සහ විවිධ ක්ෂේත්‍රවල පුරෝගාමීන් 300 දෙනෙකු ඇතුලත් වී ඇති අතර ඒ සියලු දෙනාම වයස අවුරුදු 30 ට අඩුවීම විශේෂත්වයකි.

ආසියා පැසිෆික් කාලාපයේ අවධානය යොමුකළ යුතු පුද්ගලයන් “30 Under 30 Asia” ලැයිස්තුව මගින් ෆෝබ්ස් සඟරාව ප්‍රකාශයට පත් කරනු ලබයි.

කාණ්ඩ 10ක් යටතේ මෙම ලැයිස්තුවට පුද්ගලයන් තෝරාගෙන ඇති අතර රසවින්දන සහ ක්‍රීඩා අංශයෙන් ඩිනාරා පුංචිහේවා මහත්මිය මෙම ලැයිස්තුවට ඇතුලත් වූවාය.

ඩිනාරා පුංචිහේවා මහත්මිය 2018 වසරේදී ඇයගේම චිත්‍රපටයක් වන “මාලා” ඔස්සේ චිත්‍රපට ක්ෂේත්‍රයට පැමිණියාය.මාලා චිත්‍රපටය ජාත්‍යන්තර සිනමා උළෙලකදී ප්‍රදර්ශනයවීමත් සමඟ චිත්‍රපට නිෂ්පාදක ප්‍රසන්න විතාන මහතාගේ අවධානය එම චිත්‍රපටය සඳහා යොමු වී ඇති අතර එහි දැක්වු කුසලතාවය හේතුවෙන් “ගාඩි” චිත්‍රපටයට රංගන දායකත්වය ලබා දීමට ඩිනාරා මහත්මියට ප්‍රසන්න විතානගේ මහතා ආරාධනා කර තිබිණි.

ඩිනාරා මහත්මිය ලන්ඩනයේ ක්වීන් මේරි විශ්ව විද්‍යාලයේ උපාධිධාරිණියක් වන අතර ඇය අඩු ආදායම්ලාභී පවුල්වල ළමුන් නාට්‍ය හා රංගනයට අවතීර්ණ වීමට අවස්ථාව ලබා දෙන පුංචි ඇක්ටර්ස් නම් ලාභ නොලබන ආයතනයේ නිර්මාතෘවරියද වූවාය.

Continue Reading

Trending

Copyright © 2023 Sri Lanka Mirror. All Rights Reserved