රජය විසින් පවත්වාගෙන යනු ලබන සාකච්ඡා වේදිකාවක පැහැදිලි අසභ්‍ය සාකච්ඡාවල යෙදීම හේතුවෙන් ඇමරිකානු බුද්ධි නිලධාරීන් 100 කට අධික සංඛ්‍යාවක් සේවයෙන් පහ කර ඇති බව ජාතික බුද්ධි අධ්‍යක්ෂ තුල්සි ගැබාර්ඩ් (Tulsi Gabbard) නිවේදනය කරන්නීය.
මෙහිදී ආයතන 15 ක නිලධාරීන්ගේ ආරක්ෂක නිෂ්කාශන ද අවලංගු කරන බව ප්‍රකාශ කර තිබේ.
සේවයෙන් පහ කිරීමට අමතරව බයිඩන් පරිපාලනය යටතේ විවිධත්ව මුලපිරීම් සඳහා සේවය කළ සේවකයින් සේවයෙන් පහ කිරීමට ගැබාර්ඩ්ගේ කාර්යාලය සහ සීඅයිඒ ද පියවර ගෙන තිබේ.
ජාතික ආරක්ෂක ඒජන්සිය (National Security Agency – NSA) විසින් කළමනාකරණය කරන ලද මෙම සාකච්ඡා වේදිකාව රහසිගත සාකච්ඡා සඳහා යොදා ගැනීමට තීරණය කර තිබුණි. නමුත් එය ස්ත්‍රී පුරුෂ සංක්‍රාන්ති සැත්කම් පිළිබඳ සාකච්ඡා ඇතුළු පැහැදිලි සංවාද සඳහා අනිසි ලෙස භාවිතා කර ඇති බව බුද්ධි අංශ නිලධාරීහු පවසති.
