‘ඇමරිකන් XL බුලි’ නම් විශේෂයට අයත් සුනඛයන් මෙම වසර අවසන් වන විට බ්‍රිතාන්‍යය තුළ තහනම් කිරීමට තීරණය කර ඇති බව එරට අගමැති රිෂි සුනක් ප්‍රකාශ කර තිබේ.
මෙම සුනඛයන් සම්බන්ධ සපාකෑම් සිද්ධි කිහිපයක් පසුගියදා බ්‍රිතාන්‍යයෙන් වාර්තා වූ අතර, ඉන් අනතුරුව මෙම තීරණය ගෙන තිබේ.
රිෂි සුනක් මහතා පවසා ඇත්තේ එරට ක්‍රියාත්මක වන අන්තරායකර සුනඛ පනත යටතේ ඇති බලතල අනුව පොලිසිය හා විශේෂඥයන් විසින් එක්ව මෙම විශේෂය නිවැරදිව හඳුනාගැනීමට කටයුතු කරන බවත්ය.
මෙම සුනඛ විශේෂය මහජනතාවගේ ආරක්ෂාවට තර්ජනයක් බවට පැහැදිලි බවත්, එබැවින් ජනතාව සුරක්ෂිත කිරීමට වහා පියවර ගැනීම සුදුසු බවත්, ඔහු වැඩිදුරටත් පවසයි.
