ඉතාලියේ හිටපු අග්‍රාමාත්‍ය – සිල්වියෝ බර්ලුස්කෝනි මියගොස් ඇතැයි වාර්තා වේ.
මිය යන විට 86 වියේ පසුවූ ඔහු, මිලාන් හි San Raffaele රෝහලේදී අවසන් හුස්ම හෙලූ බව විදෙස් වාර්තා සඳහන් කරයි.
පසුගිය අප්‍රේල් මාසයේදී ඔහුට පෙනහළු වල ඇතිවූ ආසාදනයකට ප්‍රතිකාර සිදුකෙරුනු අතර, එය පෙර හසු වී නොතිබුණු දරුණු ලියුකේමියා රෝගී තත්ත්වයකට සම්බන්ධ බව පසුව හෙළිවිය.
ප්‍රකෝටිපති මාධ්‍ය අධිපතියෙකු වූ බර්ලුස්කෝනි ප්‍රථම වරට අගමැති ලෙස බලයට පත්වූයේ 1994 දීය. ඔහු 2011 දක්වා ඉතාලියේ ආණ්ඩු හතරක නායකත්වය මෙහෙයවූ අතර, දූෂණ හා ලිංගික අපචාර සම්බන්ධයෙන් ඔහුට අතීතයේදී චෝදනා එල්ල වී තිබේ.
