මේ වන විට පොලිස් අත්අඩංගුවේ පසුවන පාකිස්තානයේ හිටපු අගමැති – ඉම්රාන් ඛාන් මහතා, තමාට එල්ල වන දූෂණ චෝදනා සම්බන්ධයෙන් වරද පිළිගැනීමට ප්‍රතික්ෂේප කර ඇතැයි විදෙස් වාර්තා සඳහන් කරයි.
ඊයේ දිනයේදී පාකිස්තානු අධිකරණයක සිටියදී ආරක්ෂක නිලධාරීන් විසින් ඔහුව බලහත්කාරයෙන් අත්අඩංගුවට ගෙන පොලිස් වාහනයකට දමාගන්නා අයුරු වීඩියෝ දසුන් වලින් දිස් විය.
ඔහුව මේ වන විට රඳවා තබා සිටින ස්ථානයට දැඩි පොලිස් රැකවල් යොදා ඇත.
ඛාන් මහතා අත්අඩංගුවට ගැනීමත් සමග පාකිස්ථානය පුරාවට විරෝධතා පැවැත්වෙන අතර, එම සිද්ධීන් වලින් පුද්ගලයන් 08 දෙනෙකු මියගොස් තවත් පුද්ගලයන් 1,000ක් පමණ පොලිස් අත්අඩංගුවට පත්ව ඇතැයි විදෙස් වාර්තා වැඩිදුරටත් සඳහන් කරයි.
