උතුරු ඉන්දියාවේ උත්තරාකන්ඩ් ප්‍රාන්තයේ කඳුකර ගෞරිකුන්ද් ප්‍රදේශයේදී කඩාවැටීම හේතුවෙන් නියමුවා ඇතුළු පුද්ගලයන් 07දෙනෙක් මියගොස් තිබේ.

මෙම හෙලිකොප්ටරය ආර්යන් ඒවියේෂන් නම් සමාගමකට අයත් එකක් බව වාර්තා වේ.

ඉන්දීය මාධ්‍ය පවසන්නේ යළි දැනුම්දෙන තෙක් ප්‍රදේශයේ හෙලිකොප්ටර් සේවා නැවැත්වීමට උත්තරාකන්ඩ් බලධාරීන් තීරණය කර ඇති බවයි.

ඊශ්‍රායලය විසින් එල්ල කළ ප්‍රහාර හමුවේ ඉරානයද දැවැන්ත බැලස්ටික් මිසයිල හා ඩ්‍රෝන ප්‍රහාර මාලාවක් එල්ල කර තිබේ.

මේ හේතුවෙන් ජෙරුසලමේ පිපිරීමක් කිහිපයක් සිදුව ඇති බවත්, ඊශ්‍රායල අගනුවර වන ටෙල් අවිව්හි අහස උසට කළු දුමාරයක් නැඟී ඇති බවත් විදෙස් වාර්තා සඳහන් කරයි.ඊශ්‍රායල ආරක්ෂක හමුදාවන් විසින් ඊයේ (13) ඉරාන අගනුවර වන ටෙහරාන හා නටාන්ස් න්‍යෂ්ටික භූමිය ඇතුළු ප්‍රදේශ කිහිපයකට එල්ල කළ ගුවන් ප්‍රහාර මාලාවෙන් ඉරාන හමුදා ප්‍රධානීන් තිදෙනෙකු, විද්‍යාඥයින් හය දෙනෙකු ජීවිතක්ෂයට පත්වූ අතර, තවත් 300කට අධික පිරිසක් තුවාල ලැබීය.

මේ අතර, ඊශ්‍රායල – ඉරාන ගැටුම් හමුවේ සිය ගුවන් සීමා වසා දැමීමට ජෝර්දානය හා ඉරාකය තීරණය කර තිබේ.

ප්‍රංශ පුවත් සේවය වෙත අදහස් දක්වමින් ජෝර්දාන රාජධානි රජයේ ප්‍රකාශක – මොහොමඩ් මොමානී පවසා තිබුණේ කිසිඳු ගැටුමකදී ජෝර්දානය යුදභූමියක් නොවන බවත්, සිය ගුවන් අවකාශය අවභාවිතා කිරීමට ඉඩ ලබා නොදෙන බවත්ය.

ඉරාක පුවත් ඒජන්සියද වාර්තා කර තිබුණේ සිය ගුවන් අවකාශය වසා දමා එරට සියලු ගුවන්තොටුපලවල් වල ගුවන්ගමන් කටයුතු නවැත්වීමට ඉරාකයේ ප්‍රවාහන අමාත්‍යංශය තීරණය කර ඇති බවයි.

ඉන්දියාවේ අහමදාබාද්හි සිදුවූ බිහිසුණු ගුවන් අනතුරෙන් දිවි අහිමිවූවන්ගේ පවුල් සඳහා ඉන්දීය රුපියල් කෝටියක වන්දියක් ලබාදීමට තීරණය කළ බව ගුවන් සේවයේ හිමිකාරීත්වය දරණ ටාටා සමූහය පවසයි.

ගුවන් අනතුර සම්බන්ධයෙන් X සටහනක් තබමින් එහි සභාපති එන්.චන්ද්‍රසේකරන් මහතා මේ බව සඳහන් කර ඇත.

We are deeply anguished by the tragic event involving Air India Flight 171.

No words can adequately express the grief we feel at this moment. Our thoughts and prayers are with the families who have lost their loved ones, and with those who have been injured.

Tata Group will…

— Tata Group (@TataCompanies) June 12, 2025

ඊයේ (12) පස්වරුවේ සිදුවූ මෙම අනතුරින් යානයේ සිටි එක් මගියෙකු හැර සෙසු සියලුදෙනා ජීවිතක්ෂයට පත්වුණි.

එයාර් ඉන්දියා ගුවන් සේවාවට අයත් බෝයිං 787 ඩ්‍රීම්ලයිනර් වර්ගයේ ගුවන්යානයක් ඊයේ අහමදාබාද් ගුවන්තොටුපොලේ සිට ලන්ඩන් බලා පියාසර කිරීමට නියමිතව තිබුණේ පුද්ගලයන් 242 දෙනකු සමඟිනි.

යානය බ්‍රිතාන්‍යයේ වේලාවෙන් පස්වරු 6.25ට එරට ලන්ඩන් නුවර ගැට්වික් ජාත්‍යන්තර ගුවන්තොටුපොළට ගොඩබැස්වීමට නියමිතව තිබුණි.

කාර්යමණ්ඩලයේ 12 දෙනාට අමතරව එහි මගීන් 230 දෙනකු සිටි අතර බිලිඳුන් දෙදෙනකුද ඒ අතර විය.

ගුජරාට් හි සර්දාර් වල්ලාබ්බායි පටෙල් ජාත්‍යන්තර ගුවන් තොටුපොළෙන් ගමන් ආරම්භ කර මිනිත්තුවකට වැඩි කාලයක් සිය ගමන යාමට එම යානයට හැකි වූයේ නැත.

පොළොව මට්ටමින් අඩි 625ක් ඉහළ අහසේදී අනපේක්ෂිත අයුරින් එහි ගමන නිමා කරගනිමින් යානය කඩාවැටුණි.

යානය කඩාවැටී තිබුණේ අහ්මදාබාද් ආසන්න මෙඝානි නගර් හි පිහිටි BJ වෛද්‍ය විද්‍යාලීය සිසු නේවාසිකාගාරයක් මතටය.

ආරම්භයේ සිටම යානය ඉහළට ගමන් කිරීමේ අසීරුතාවක් පෙන්නුම් කර තිබූ බවත් එහි නියමුවන් උදව් ඉල්ලීමේ සංඥාවක් ද නිකුත් කර තිබූ බව මේ වනවිට අනාවරණය වී තිබේ.

කෙසේවෙතත් අනතුරට හේතුව මෙතෙක් අනාවරණ වී නොමැත.

මේ අතර කඩා වැටුන යානයේ දත්ත ඇතුළත් කළු පෙට්ටි දෙකෙන් එකක් මේ වනවිට සොයා ගැනීමට හැකිවී ඇති බව විදෙස් මාධ්‍ය වාර්තා කරයි. ඒ ඔස්සේ යානය අනතුරට ලක්වීමට හේතුව පිළිබඳ යම් අනාවරණයක් සිදුකරගැනිමට හැකියාව ලැබෙතැයි අපේක්ෂා කෙරේ.

ඉන්දීය අගමැති නරේන්ද්‍ර මෝදි මහතා අද උදෑසන මෙම ඛේදවාචකය සිදුවූ ස්ථානයේ නිරීක්ෂණයක යෙදී ඇති අතර ඒ බව සිය X ගිණුමේ සටහනක් තබා තිබේ.

Visited the crash site in Ahmedabad today. The scene of devastation is saddening. Met officials and teams working tirelessly in the aftermath. Our thoughts remain with those who lost their loved ones in this unimaginable tragedy. pic.twitter.com/R7PPGGo6Lj

— Narendra Modi (@narendramodi) June 13, 2025