ලොව මිලෙන් අධිකම හිමකිරම වර්ගය ජපානයේ නිෂ්පාදනය කර ඇතැයි විදෙස් මාධ්‍ය වාර්තා කරයි.
මෙම අයිස්ක්‍රීම් එකක මිල යෙන් 880,000ක් (ඇමෙරිකානු ඩොලර් 6,380ක්) ලෙස සටහන් වේ.
Cellato නම් ජපන් අයිස්ක්‍රීම් සන්නාමය විසින් හඳුන්වාදී ඇති මෙය බ්යාකුයා (byakuya) ලෙස නම් කර ඇති අතර, ජපන් බසෙන් එහි අරුත ශ්වේත රාත්‍රිය යන්නයි.
ඉතාලියේ ඇල්බා ප්‍රදේශයේ වගා කරන ඉස්තරම්ම වර්ගයේ සුදු ට්‍රෆල් හතු, රන් පත්‍ර හා චීස් වර්ග දෙකක් ඇතුළු මිලෙන් අධික අමුද්‍රව්‍ය යොදා ගනිමින් මෙම අයිස්ක්‍රීම් වර්ගය නිෂ්පාදනය කර තිබේ.
එම සමාගම විසින් ගිනස් වාර්තා ඒකකය වෙත අදහස් දක්වමින් පවසා ඇත්තේ මෙම හිමකිරම විශේෂය නිපදවීමට වසර 1 1/2ක් පමණ ගතවූ බවයි.
