Connect with us

විදෙස්

කොවිඩ් නිසා වැසුනු ජපානය යළි අරියි!

Published

on

කොවිඩ් වසංගතය හේතුවෙන් වසර දෙකකට වැඩි කාලයක් පුරාවට දේශසීමා වසා දැමූ ජපානය, යළිත් සිය දොරටු විදේශකයන් ට විවෘත කිරීමට නියමිතය.

ඔක්තෝබර් 11 සිට යළිත් වීසා බලපත්‍ර නොමැතිව ජපානයට යාමට සංචාරකයන් ට හැකි වනු ඇති අතර, ඔවුන්ට සංචාරක ඒජන්සියක් හරහා ගමන් කිරීමටද අවශ්‍ය නොවනු ඇත.

කෙසේවෙතත්, ජපානයට ඇතුලු වීමට කොවිඩ් එන්නත් 3ක් හා සෘණ කොවිඩ් පරීක්ෂණ ප්‍රතිඵලයක් ඉදිරිපත් කිරීමට ඔවුන්ට සිදුවනු ඇත.

මාස හයක කාලයක් තුළදී ඇමෙරිකානු ඩොලරයට සාපේක්ෂව ජපන් යෙන් මන්දගාමීම ස්ථානයට වැටී ඇති අතර, මෙලෙස පැමිණෙන සංචාරකයන් එරට රජයේ හා දේශීය ව්‍යාපාර වල දියුණුවට රුකුලක් වනු ඇති බව විදෙස් වාර්තා පවසයි.

විදෙස්

පුටින් උතුරු කොරියාවට

Published

on

By

රුසියානු ජනපති ව්ලැඩිමිර් පුටින් ගේ උතුරු කොරියානු නිල සංචාරය ආරම්භ වී තිබේ.

උතුරු කොරියානු නායක – කිම් ජොං අන් විසින් පුටින්ව රතු පලස මතින් පිළිගෙන ඇත.

රුසියානු රාජ්‍ය නායකයෙකු මෙලෙස උතුරු කොරියාවේ සංචාරයක නිරත වන්නේ වසර 24කට පසුවයි.

ප්යොංයැං අගනුවර වීදි දෙරට ජාතික කොඩි විලින් හා පුටින්ගේ රූප වලින් සරසා ඇති බව විදෙස් මාධ්‍ය වාර්තා කරයි.

Continue Reading

පුවත්

ජපානයේ “මස් කන” බැක්ටීරියාවක් පැතිරයයි

Published

on

By

මාංශ පේශි විනාශ කරන බැක්ටීරියාවක් මේ වන විට ජපානයේ ශීඝ්‍රයෙන් පැතිරයන බව එරට සෞඛ්‍ය අංශ පවසයි.

මෙම “මස් කන” බැක්ටීරියාව හේතුවෙන් මේ වනවිට විශාල පිරිසක් මරණයට පත්වී ඇති බව වාර්තා වෙයි.

නමුත් මෙම රෝගී තත්ත්වය පැතිර යන හේතුව කුමක්ද යන්න සම්බන්ධයෙන් එරට සෞඛ්‍ය අංශ වික්ෂිප්ත වී සිටියි.

2024 ජනවාරි සිට ජූනි මාසය ආරම්භ වනවිට එවැනි රෝගීන් 2,977ක් වාර්තා වී ඇති අතර ඉන් 77 දෙනෙක් මියගොස් තිබේ.

පසුගිය වසරේදී ද එවැනි රෝගීන් 941ක් වාර්තා විය.

Continue Reading

පුවත්

ඉන්දියාවේ දුම්රිය අනතුරක්

Published

on

By

නැගෙනහිර ඉන්දියාවේ දුම්රිය දෙකක් ගැටී සිදුවුණු අනතුරින් පස් දෙනෙක් ජීවිතක්ෂයට පත්වූහ.

අනතුරින් තවත් 30 කට වැඩි පිරිසක් තුවාල ලැබූහ. අනතුර සිදුවූයේ භාණ්ඩ ප්‍රවාහන දුම්රියක් සහ මගී ප්‍රවාහන දුම්රියක් හැපීමෙනි.

භාණ්ඩ ප්‍රවාහන දුම්රියේ හැපුණේ, කොල්කොටා සහ ඊසාන දිග ඇසැම් ප්‍රාන්තයේ සිල්චාර් නගරයේ සිට බටහිර බෙංගාලයේ කොල්කොටා නුවර දක්වා ධාවනය වෙමින් තිබුණු ‘කංචෙන්ජුංගා එක්ස්ප්‍රස්’ මගී දුම්රියයි.

දුම්රිය එකිනෙක හැපුණේ තේ වතුවලින් බහුල ඩාර්ජේලීං කඳුකරය ආසන්නයේය.

භාණ්ඩ දුම්රියේ හැපුණු මගී දුම්රියේ මැදිරි දුම්රිය මාර්ගයෙන් පිටතට විසිවී ගිය බව ද පැවැසෙයි.

පෙරළී විසිවුණු දුම්රිය මැදිරි තුළ සිරවුණු මගීන් මුදා ගැනීමේ මෙහෙයුම් කඩිනමින් ආරම්භ කළ බව බෙංගාල මහ ඇමැතිනී මම්තා බෙනර්ජි මාධ්‍ය හමුවේ පවසා ඇත.

Continue Reading

Trending

Copyright © 2023 Sri Lanka Mirror. All Rights Reserved