Connect with us

පුවත්

චීනයේ සිනොපෙක් සමාගම ලංකාවේ නිෂ්පාදන ආනයනයට හා අලෙවියට සැරසෙයි (ඡායා)

Published

on

සේවා ස්ථාන 27,000කට අධික සංඛ්‍යාවක් සහිත දැවැන්ත චීන තෙල් සමාගමක් වන සිනොපෙක් සමාගම (Sinopec), ශ්‍රී ලංකාවේ ආහාරපාන නිෂ්පාදන ආනයනය කිරීම සහ එම නිෂ්පාදන සිය වෙළඳසැල්වල අලෙවි කිරීමේ අරමුණෙන් සීමාසහිත බීජිං ශ්‍රී රෝඩ් කනෙක්ෂන් (Beijing Sri Road Connection) වෙළඳ සමාගම සමඟ ගිවිසුමකට එළැඹ තිබේ.

පසුගියදා ෂැංහයි හි පැවති CIIE ප්‍රදර්ශනය අතරතුරදී එළැඹුනු මෙම ගිවිසුමේ වටිනාකම ඇමරිකානු ඩොලර් මිලියන 0.8 ඉක්මවයි.

සිනොපෙක් සමාගම සහ බීජිං ශ්‍රී රෝඩ් සමාගම අතර අත්සන් තබන ලද ගිවිසුම මගින්, ශ්‍රී ලංකාවේ ආහාරපාන  නිෂ්පාදන ලාභ උපයාගැනීමේ හැකියාව සහිත චීන වෙළඳපොළ තුළ තවදුරටත් ව්‍යාප්ත කිරීම සඳහා පහසුකම් සැලසෙනු ඇත. සීමාසහිත බීජිං ශ්‍රී රෝඩ් කනෙක්ෂන් වෙළඳ සමාගමේ ප්‍රධාන විධායක නිලධාරී චිරංජය උඩුමුල්ලගේ මහතා සහ සිනොපෙක් සමාගමේ ජාත්‍යන්තර විකුණුම් කටයුතු පිළිබඳ නියෝජ්‍ය කළමනාකරු වන වන්ග් චියැන් මහතා මෙම ගිවිසුමට අත්සන් තැබූහ.

නිවේදනයක් නිකුත් කරන චීනයේ පිහිටි ශ්‍රී ලංකා තානාපති කාර්යාලය පවසන්නේ මෙම වසර ශ්‍රී ලංකාව සහ චීනය යන දෙරටටම ඉතා සුවිශේෂී සන්ධිස්ථානයක් වන බැවින්, සිනොපෙක් සමාගම සමඟ පවත්නා මෙම සබඳතාව සැබවින්ම සුවිශේෂී වන බවයි. දෙරට අතර ද්විපාර්ශ්වික රාජ්‍යතාන්ත්‍රික සබඳතා පිහිටුවා වසර 65 ක් සපිරීමේ සංවත්සරය සහ රබර් – සහල් ගිවිසුමේ 70 වැනි සංවත්සරය මෙම වසරේ දී සමරනු ලැබේ.

5 වැනි චීන ජාත්‍යන්තර ආනයන ප්‍රදර්ශනය (CIIE) 2022 නොවැම්බර් 5 සිට 10 යන දිනවල ෂැංහයි හිදී පැවැත්විණි. ආහාරපාන අංශය සහ මැණික් හා ස්වර්ණාභරණ අංශය ආදී වශයෙන් ශ්‍රී ලංකාවේ ප්‍රදර්ශන කුටි දෙකක් මෙහි ඉදි කොට තිබුණි. ශ්‍රී ලංකාවේ ප්‍රදර්ශන කුටිය සංවිධානය කිරීමේ කටයුතු, චීන – ශ්‍රී ලංකා වෙළෙඳ සහ ආර්ථික සහයෝගිතා සංගමය විසින් ස්වේච්ඡාවෙන් භාරගන්නා ලදී. මේ සඳහා තානාපති කාර්යාලයේ මෙන්ම එම සංගමයේ සාමාජික සමාගම්වල සහ අනෙකුත් අයගේ සහය ලබාගන්නා ලදී. ශ්‍රී ලංකාව මෙම අවස්ථාවට සහභාගී වූ 5 වැනි අවස්ථාව මෙයයි. CIIE  ප්‍රදර්ශනය සඳහා සහභාගී වූ සමාගම්, RMB 500,000 කට අධික දෛනික අලෙවි කටයුතු සහ 160 කට අධික වෙළඳ විමසීම් ප්‍රමාණයක් හිමි කරගනිමින් කැපී පෙනෙන සාර්ථකත්වයක් අත්කර ගැනීමට සමත් වූ බැවින්, මෙම ප්‍රදර්ශනය සඳහා සහභාගී වීම ඉතා සුවිශේෂී කර්තව්‍යයක් බව හඳුනාගත හැකි ය.

ගෝලීය සමාගම්වලට ලෝකයේ විශාලතම පාරිභෝගික වෙළඳපොළ වන චීන වෙළෙඳපොළට ප්‍රවේශ වීම සඳහා අවස්ථාව සලසන චීනයේ විශාලතම වෙළඳ ප්‍රදර්ශනය වන්නේ CIIE ප්‍රදර්ශනයයි.

පුවත්

විදුලිය බිඳ වැටීම් ගැන දැනුම්දෙන්න

Published

on

By

අයහපත් කාලගුණයත් සමඟ දිවයින පුරා සිදුව ඇති විදුලිය බිඳවැටීම් ඉතා ඉක්මනින් දැනුම්දිය හැකි නව ක්‍රමවේදයක් ලංකා විදුලිබල මණ්ඩලය විසින් හඳුන්වා දී තිබේ.

ඒ, මීට පෙර විදුලිය බිඳ වැටීම් සම්බන්ධයෙන් දැනුම්දීමට තිබූ 1987 ක්ෂණික දුරකථන අංකයේ ඇතිව තිබෙන කාර්ය බහුලත්වය හේතුවෙන්.

ඒ අනුව, පහත ක්‍රමවේදයන් අනුගමනය ලෙස ලංකා විදුලිබල මණ්ඩලය පාරිභෝගිකයින්ගෙන් ඉල්ලා සිටී.

සබැඳි පුවත්:

දවස් 03ට ලක්ෂ 03කට කරන්ට් එක ගිහින්

Continue Reading

පුවත්

ගාල්ලට ජාතික රෝහලක්

Published

on

By

ගාල්ල ජාතික රෝහල ස්ථාපිත කිරීම සඳහා කැබිනට් අනුමැතිය ලැබී තිබේ.

ඒ අනුව කරාපිටිය ශික්ෂණ රෝහල මෙරට තෙවැනි ජාතික රෝහල බවට පත්කිරීමට අනුමැතිය ලැබී ඇත.

කරාපිටිය ශික්ෂණ රෝහල දකුණු පළාතෙහි සහ යාබද පළාත්වල රෝගීන් හට මාතෘ සත්කාර සේවා හැර තෘතීයක සේවා සපයන ප්‍රධානතම සෞඛ්‍ය මධ්‍යස්ථානයක් ලෙස ක්‍රියාත්මක වන අතර එකී පළාත්වල ප්‍රාථමික හා ද්විතීයක සෞඛ්‍ය සත්කාරක සේවා ආයතන මගින් විශේෂඥ සේවාවන් සඳහා මෙම රෝහල වෙත රෝගීන් යොමු කරනු ලබයි.

රුහුණු විශ්ව විද්‍යාලයේ වෛද්‍ය පීඨයේ සහ සම සෞඛ්‍ය විද්‍යා පීඨයේ ඉගැන්වීම් කටයුතු සඳහා කරාපිටිය ශික්ෂණ රෝහලේ මහාචාර්ය ඒකකය ස්ථාපිත කර ඇත.

මෙම වසර අවසන් වන විට රෝහලෙහි ඇඳන් ධාරිතාවය 2858ක් දක්වා වැඩි කිරීම මත එය කොළඹ ශ්‍රී ලංකා ජාතික රෝහලට පමණක් දෙවැනි වන තෘතීයක සේවා සෞඛ්‍ය මධ්‍යස්ථානයක් බවට පත්වනු ඇතැයි රජය කියයි.

ඒ අනුව කොළඹ ජාතික රෝහලට සහ මහනුවර ජාතික රෝහලට අමතරව කරාපිටිය ශික්ෂණ රෝහල ජාතික රෝහලක් ලෙස කාණ්ඩ ගත කරමින් ගාල්ල ජාතික රෝහල ලෙස නම් කිරීම පිණිස සෞඛ්‍ය අමාත්‍යවරයා ඉදිරිපත් කළ යෝජනාව අමාත්‍ය මණ්ඩලය විසින් අනුමත කර ඇත.

Continue Reading

පුවත්

කතට අතවර කළ සැරයන්ගේ වැඩ තහනම්

Published

on

By

බිංගිරිය පොලිස් ස්ථානයේ ආපනශාලාවක් තුළදී එහි ආපනශාලාවේ සේවය කළ කාන්තාවකට ලිංගික අතවර කළ බව කියන සැරයන්වරයාගේ වැඩ තහනම් කළ බව කුලියාපිටිය ජ්‍යෙෂ්ඨ පොලිස් අධිකාරී කාර්යාලය පවසයි.

මෙසේ වැඩ තහනමට ලක්කර ඇත්තේ, බිංගිරිය පොලිසියේ සේවයේ කළ පොලිස් සැරයන්වරයෙකි.

බිංගිරිය පොලිස් ස්ථානයේ ආපනශාලාව පවත්වාගෙන ගිය වීරපොකුණ ප්‍රදේශයේ කාන්තාවකට ලිංගික අතරවර කළ බවට පොලිස්පතිවරයාට යොමු කළ පෙත්සමකට අනුව එහි විමර්ශන කටයුතු සිදුකරන ලෙස කුලියාපිටිය ජ්‍යෙෂ්ඨ පොලිස් අධිකාරිවරයාට පොලිස්පති විසින් නියෝග කරන ලදී.

ඒ අනුව, බිංගිරිය පොලිසියේ ස්ථානාධිපතිවරයාගේ ප්‍රධානත්වයෙන් ඒ පිළිබඳ විමර්ශනයක් සිදුකර සැකකාර සැරයන්වරයා අත්අඩංගුවට ගෙන හෙට්ටිපොළ මහේස්ත්‍රාත් අධිකරණයට ඉදිරිපත් කිරීම සිදුවිය.

කෙසේ වෙතත්, එම සැරයන්වරයා විසින් සිදුකරන ලද විෂමාචාර ක්‍රියාව හේතුවෙන් ඔහුගේ වැඩතහනම් කරන ලෙස ජ්‍යෙෂ්ඨ පොලිස් අධිකාරීවරයා විසින් දැනුම් දී ඇත.

Continue Reading
Advertisement

Trending

Copyright © 2023 Sri Lanka Mirror. All Rights Reserved