ට්විටර් යෙදවුමට සමාන ත්‍රෙඩ්ස් (Threads) නමැති නව යෙදවුමක් හඳුන්වාදීමට ෆේස්බුක් අයත් මෙටා සමාගම කටයුතු කරයි.
එම සමාගම පවසන්නේ මෙම නව යෙදවුම අනිද්දා (බ්‍රහස්පතින්දා) දින හඳුන්වාදීමට නියමිත අතර, එය ඉන්ස්ටර්ග්‍රෑම් වලට සම්බන්ධ කිරීමට නියමිතය.
මෙහි පෙනුම ට්විටර් වලට සමාන බව විදෙස් වාර්තා වල දැක්වෙන අතර, මෙටා සමාගම පවසන්නේ මෙය වචන පදනම් කරගත් සංවාදමය යෙදවුමක් බවයි.
මෙය, මෙටා හිමිකාරිත්වය දරන මාර්ක් සකර්බර්ග් සහ ට්විටර් හිමි ඊලෝන් මස්ක් අතර පවතින ප්‍රසිද්ධ මත ගැටුමේ නවතම පියවර ලෙස සැලකේ.
