Connect with us

පුවත්

ලංකාවේ SPA වලට රට චිකිත්සකලා ගන්න අවසර!

Published

on

මෙරට සම්බාහන (SPA) මධ්‍යස්ථාන සඳහා ඉදිරියේදී විදේශීය පිරිමි සහ කාන්තා ස්පා චිකිත්සකයන් රැකියාවේ යෙදවීමේ අවස්ථාව ලබාදීමට කටයුතු කරන බව ශ්‍රී ලංකා සංචාරක සංවර්ධන අධිකාරියේ අධ්‍යක්ෂ ජෙනරාල් උපාලි රත්නායක මහතා කියයි.

ඒ අනුව ඔවුන්ට ලංකාවේ සේවය කිරීමට මාස හයක හෝ වසරක වීසා බලපත්‍රයක් දීමට තීරණය කර ඇතැයිද ඔහු කියා සිටී.

දිවයින පුරා සම්බාහන මධ්‍යස්ථාන 136ක් පමණක් තම ආයනතයේ ලියාපදිංචි වී ඇති බව සඳහන් කරන ඒ මහතා බොහෝ විදේශිකයන් මෙරටට පැමිණෙන්නේ හෝටල්වලින් දෙන සම්බාහන සත්කාරය ගැනීමේ අරමුණින් වුවත් ඒ සඳහා පළපුරුදු කාන්තා සහ පිරිමි චිකිත්සකවරියන් නොමැතිකම හේතුවෙන් රටට ඩොලර් ගලා එන මාර්ග අතරමග නවතින බවද ඔහු කියා සිටී.

ශ්‍රී ලංකා සංචාරක සංවර්ධන අධිකාරියේ ලියාපදිංචිවී නැති අනෙකුත් සියලුම සම්බාහන මධ්‍යස්ථාන පළාත් පාලන ආයතනවල ව්‍යාපාර ලියාපදිංචි කිරීම යටතේ පමණක් ලියාපදිංචි කර ඇති බවද මේ අතර වාර්තා වේ.

සංචාරක සංවර්ධන අධිකාරියේ ලියාපදිංචි සම්බාහන මධ්‍යස්ථාන හැරුණු විට අනෙකුත් සියලුම සම්බාහන මධ්‍යස්ථාන පිළිබඳව තම අධිකාරියට වගකීමක් නොමැති බව ආයතනයේ අධ්‍යක්ෂ ජෙනරාල් උපාලි රත්නායක මහතා සඳහන් කරයි.

එමෙන්ම මෙම අධිකාරියේ ලියාපදිංචි වී ඇති සුඛෝපභෝගී හෝටල් ඇතුළුව හෝටල් 469 ක් සඳහා ද සම්බාහන මධ්‍යස්ථාන පවත්වාගෙන යාමට අවසර දී ඇතැයි වාර්තා වේ.

ආයුර්වේද දෙපාර්තමේන්තුව මගින් NVQ සහතිකයක් යටතේ ස්පා චිකිත්සකයන් බඳවා ගැනීමේ සැලසුමක් මීට පෙර ක්‍රියාත්මක කර තිබුණත් ආයුර්වේද වෛද්‍ය සංගම්වල දැඩි විරෝධය නිසා එය අත්හිටූවීමට සිදුවූ බව උපාලි රත්නායක මහතා කියයි.

දැන් ඒ සඳහා ඔවුන් උනන්දුවක් දක්වන බව තමන්ට පවසා ඇතත් මෙරට පුද්ගලයන්ට චිකිත්සක පුහුණුව දීමට තවත් කාලයක් ගතවන බැවින් මෙරටින් පුහුණු පිරිස් එකතු කර ගන්නා තුරු වෙනත් රටවලින් පුහුණු පුද්ගලයන් ගෙන්වා ගන්නා බව ඔහු වැඩිදුරටත් කියා සිටී.

මූලාශ්‍රය – සතිඅග අරුණ

පුවත්

පොහොට්ටු කාර්යාලය ඉදිරිපිට උණුසුම් තත්ත්වයක්

Published

on

By

පාර්ලිමේන්තු මාර්ගයේ සිට ගමනකින් පැමිණි පිරිසක් නෙළුම් මාවතට ඇතුළු වීමට උත්සාහ දැරීමත් සමගයි මෙම  උණුසුම් තත්ත්වය ඇතිව තිබේ.

“රට වනසන පනත් පරාජය කරමු” මැයෙන් සංවිධාන කිහිපයක් එක්ව පාර්ලිමේන්තුව අසළ සිට ශ්‍රී ලංකා පොදුජන පෙරමුණේ නෙළුම්මාවත පරිශ්‍රය දක්වා විරෝධතා පාගමනක් පැවැත්විණි.

නෙළුම්මාවතට ඇතුළුවන මාර්ගය අසළදී පොලිසිය ඔවුන්ට බාධා කිරීමත් සමග උණුසුම්කාරී තත්ත්වයක් හටගැනීම සිදුවිය.

පොදුජන පෙරමුණු කාර්යාලයේ කිහිප දෙනෙකු සහ ඩෑන් ප්‍රියසාද් ද එම ස්ථානයට පැමිණීමත් සමග විරෝධතාකරුවන් ඔවුන්ට ද විරෝධය පළකර තිබේ.

Continue Reading

පුවත්

මේ සතියේ කැබිනට් තීරණ මෙන්න

Published

on

By

ඊයේ (2024-05-27) දින පැවැත්වූ අමාත්‍ය මණ්ඩල රැස්වීමේදී තීරණ රැසකට එළැඹ ඇත.

එම තීරණ මෙසේය.

Continue Reading

පුවත්

ආර්ථික පරිවර්තන පනතේ සහයට තවත් පනත් දෙකක්

Published

on

By

2018 අංක 2 දරණ ප්‍රපාතන විරෝධී සහ ප්‍රතිතෝලන බදු පනත සහ  2018 අංක 3 දරණ ආරක්ෂණ පියවර පනත සංශෝධනය කිරීම සඳහා කැබිනට් අනුමැතිය ලැබී ඇත.

ආර්ථික පරිවර්තන පනත් කෙටුම්පත සකස් කිරීමේදී අදාල පනත් දෙක සඳහා අනුෂාංගික සංශෝධන හඳුන්වාදීමේ අවශ්‍යතාවය හඳුනාගනු ලැබ ඇතැයි රජය කියයි.

ඒ සඳහා වන පනත් කෙටුම්පත් නීති කෙටුම්පත් සම්පාදක විසින් සකස් කරනු ලැබ ඇති අතර එකී පනත් කෙටුම්පත් සඳහා නීතිපති අවසරය ලබාදී තිබේ.

ඒ අනුව අදාල සංශෝධිත පනත් කෙටුම්පත් දෙක රජයේ ගැසට් පත්‍රයේ පළ කිරීමටත් අනතුරු අනුමැතිය සඳහා පාර්ලිමේන්තුවට ඉදිරිපත් කිරීමටත් ජනාධිපතිවරයා ඉදිරිපත් කළ යෝජනාව අමාත්‍ය මණ්ඩලය විසින් අනුමත කර ඇත.

සබැඳි පුවත් :

Continue Reading
Advertisement

Trending

Copyright © 2023 Sri Lanka Mirror. All Rights Reserved