ලබන (2024) වසර වන විට කිරි පිටි ආනයනය නතර කිරීම කෙරෙහි කෘෂිකර්ම අමාත්‍යාංශය අවධානය යොමුකර ඇතැයි වාර්තා වේ.
මෙරට දැනට නැවුම් කිරි නිෂ්පාදනය කරනු ලබන්නේ සමස්ත අවශ්‍යතාවයෙන් සියයට හතළිස් දෙකක් (42%) ක් බවට පශු සම්පත් අංශ විසින් තොරතුරු අනාවරණය කරගෙන තිබේ.
රටේ කිරි අවශ්‍යතාවය සපුරාලීමට කිරි පිටි ආනයනය සඳහා සෑම වසරකදීම ඇමරිකානු ඩොලර් මිලියන හයසියයකට වැඩි මුදලක් වැය කරන බව ද කිරි කර්මාන්තය නංවාලීම මගින් රට තුළම රටට අවශ්‍ය කිරි ප්‍රමාණය නිෂ්පාදනය කර ගැනීමේ හැකියාව පවතින බව ද කෘෂිකර්ම ඇමැති මහින්ද අමරවීර මහතා කියා සිටී.
මේ අතර, වෙළෙඳපොළේ වාර්ෂික කිරි ඉල්ලුම සපුරාලීමට කිරි ලීටර් මිලයන හත්සිය පනහක් අවශ්‍ය බව කෘෂිකර්ම අංශ සඳහන් කරයි.
