චීන නැව සමඟ පර්යේෂණ කරන්න නාරා ආයතනයට අවසර

කොළඹ වරායේ නැංගුරම්ලා ඇති ෂියෑන් සික්ස් චීන පර්යේෂණ නෞකාව සමග පර්යේෂණ සිදු කිරීමට අවසර හිමිවූ බව නාරා ආයතනය පවසයි.

නාරා ආයතනයේ අධ්‍යක්ෂ ජෙනරාල් ආචාර්ය කමල් තෙන්නකෝන් මහතා පැවසුවේ, ඊයේ පස්වරුවේ එම අවසරය ලැබුණු බවයි.

ඒ අනුව ඉදිරි දින කිහිපය තුළ ඒ සඳහා පර්යේෂණ කණ්ඩායම් පිටත් කර හරින බව ඔහු ප්‍රකාශ කළේ ය.

ආචාර්ය කමල් තෙන්නකෝන් මහතා පැවසුවේ, මෑත කාලීනව ශ්‍රී ලංකාව ඇතුළු කාලපීය කාලගුණයට සාගර පද්ධතියේ සිදුවූ බලපෑම පිළිබඳ මෙම පර්යේෂණයේදී අධ්‍යයනය කරන බවයි.

කොළඹ වරායේ නැංගුරම්ලා ඇති ෂියෑන් සික්ස් චීන පර්යේණ නෞකාව අද දිනයේත් නැරඹීම සදහා ශ්‍රී ලාංකිකයින්ට අවස්ථාව පවතින බව එහි කාර්යය මණ්ඩලය පවසයි.

ෂියැන් සික්ස් චීන පර්යේෂණ නෞකාව වෙත දැඩි අවධානයක් යොමුවූයේ එහි ශ්‍රී ලංකා ගමන පිළිබඳව ඉන්දියාව දැඩි අවධානය යොමු කිරීම නිසයි.

නමුත් චීන පර්යේෂණ නෞකාව කලින් සැළසුම් කළ ආකාරයට පෙරේදා පස්වරුවේ කොළඹ වරායට ළඟා විය.

එය නැංගූරම් ලා තිබෙන්නේ කොළඹ වරායේ එස් ඒ ජේ ටී පර්යන්තයේයි.

මුහුදු පතුළ නිරීක්ෂණය කළ හැකි අධිතාක්ෂණික උපකරණ හා මෙවෙලම් රැසක් නෞකාව සතුව ඇති අතර ලබා ගන්න නියැදි එහි ඇති විද්‍යාගාර තුළ පරීක්ෂා කිරීමේ පහසුකමද පවතී.

ටොන් 260 ක පර්යේෂණ උපකරණ මෙම නෞකාව සතුවන අතර පුද්ගලයින් 60 දෙනෙකුට පහසුකම් සහිතයි.

පසුගිය මාසයේ 11 වෙනිදා චීනයේ ගුවැන්ෂෝ වරායෙන් පිටත්වූ ෂියෑන් සික්ස් ඉන්දීය සාගරයට ඇතුළු වූයේ පසුගිය මාසයේ 19 වැනිදා ය.

(නිවුස් ෆස්ට්)

සබැඳි පුවත් :

චීන නැව කොළඹට එයි; දවස් 25ක් ලංකාවේ