ජාත්‍යන්තර සහයෝගීතාවය, විද්වත් සහයෝගීතාවය, සංස්කෘතික අන්තර්ක්‍රියා හා මිත්‍රත්වය ප්‍රවර්ධනය කිරීම අරමුණු කරගෙන උසස් අධ්‍යාපන සහයෝගිතාව සඳහා ෂැංහයි විවෘත විශ්ව විද්‍යාලය හා මෙරට විවෘත විශ්ව විද්‍යාලය අතර අවබෝධතා ගිවිසුමක් ඇති කිරීමට කැබිනට් අනුමැතිය හිමිවී ඇත.
එම ගිවිසුමේ සහයෝගිතා ක්ෂේත්‍ර යටතේ චීන භාෂා මධ්‍යස්ථානයක් මෙරට ස්ථාපිත කිරීමට අදාලව රී ලංකා විවෘත විශ්ව විද්‍යාලය, ෂැංහයි විවෘත විශ්ව විද්‍යාලය හා සීමාසහිත බෑන්ක් ඔෆ් චයිනා අතර ත්‍රෛපාර්ශවිය ගිවිසුමකට අත්සන් තැබීමටද අදාළ පාර්ශ්වයන් එකඟතාවයට පැමිණ ඇත.
ඒ අනුව, වසර 05ක කාලයක් සඳහා වලංගු වන පරිදි අදාළ ගිවිසුම් වලට එළඹීම පිණිස අධ්‍යාපන අමාත්‍යවරයා ඉදිරිපත් කළ යෝජනාවට අමාත්‍ය මණ්ඩලයේ අනුමැතිය හිමිවී තිබේ.
