තමා ඉදිරි ජනාධිපතිවරණයට ඉදිරිපත්වන බව ජනාධිපති රනිල් වික්‍රමසිංහ මහතා අද (18) පස්වරුවේ දී කැබිනට් මණ්ඩලයට දැනුම් දී ඇතැයි වාර්තා “ද ලීඩර්” වාර්තා කර තිබේ.
කැබිනට් රැස්වීමෙන් අනතුරුව ජනාධිපතිවරයා ලබන ජනවාරි මාසයේ සිට ඒ සඳහා වූ ප්‍රචාරක කටයුතු ආරම්භ කෙරෙන බවත්, සියලු අමාත්‍යවරුන්ගේ සහය ඒ සඳහා ලබාදෙන ලෙසත් ඉල්ලා ඇති බවද පැවසේ.
මේ අතර ප්‍රකට ව්‍යාපාරික, ධම්මික පෙරේරා මන්ත්‍රීවරයා ‘පොහොට්ටු’ පක්ෂයේ ජනාධිපති අපේක්ෂකයා ලෙස නම්කර ඇතිබවට පලවන වාර්තා මුළුමනින්ම අසත්‍ය බව ශ්‍රී ලංකා පොදුජන පෙරමුණ සදහන් කර ඇතැයි ද එහි දැක්වේ.
එවැනි තීරණයක් ගන්නේ නම් පක්ෂයේ දේශපාලන මණ්ඩලය අනිවාර්යයෙන් රැස්විය යුතු බවත් පසුගිය සෙනසුරාදායින් පසු නැවත දේශපාලන මණ්ඩලය රැස්වී නොමැති බවද එහි වැඩිදුරටත් දැක්වේ.
සබැඳි පුවත්:
පොහොට්ටු ජාතික සංවිධායක ධූරය ධම්මිකට !
