‘ස්පෝර්ට්ස් චේන්’ නමින් පරිගණක මෘදුකාංගයක් හඳුන්වා දෙමින් පිරමිඩ ක්‍රමයට මුදල් ආයෝජනය කළ පිරිසකගෙන් රුපියල් කෝටි 1500කට අධික මුදලක් වංචා කිරීමට ආධාර අනුබල දීමේ චෝදනාව මත ඩුබායි හි සිට ලංකාවට පැමිණි යුවලක් කටුනායක ගුවන් ත‌ොටුපල‌ේදී අත්අඩංගුවට ගෙන තිබේ.
මෙසේ අත්අඩංගුවට ගෙන ඇත්ත‌ේ ප්‍රසාද් ජයවීර හා නදීෂා මධුෂානි යන යුවලයි.
මොවුන් අදාළ පිරමීඩ ජාවාරමට පුද්ගලයන් පෙළඹවීමේ චෝදනාව මත අත්අඩංගුවට ගෙන අධිකරණයට ඉදිරිපත් කිරීමෙන් පසුව එක් අයකුට රුපියල් ලක්ෂ 50 බැගින් වූ ශරීර ඇප තුනක් මත මුදාහරින ලෙස කොළඹ ප්‍රධාන මහේස්ත්‍රාත් ප්‍රසන්න අල්විස් මහතා ඊයේ (24) නියෝග කළ‌ේය.
විදෙස් ගමන්ද තහනම් කළ‌ේය.
මෙම වංචාවට අදාළව පැමිණිලි 70ක් අපරාධ පරික්ෂණ දෙපාර්තමේන්තුවට ලැබී ඇති බව වාර්තා වේ.
