සිංහල හින්දු අලුත් අවුරුදු සමයේ බීමත් රියැදුරන් පරීක්ෂා කිරීම සඳහා විශේෂ වැඩසටහනක් ක්‍රියාත්මක කරන බව පොලිස් මාධ්‍ය ප්‍රකාශක ජ්‍යේෂ්ඨ පොලිස් අධිකාරී නීතිඥ නිහාල් තල්දූව මහතා පවසයි.
ඒ අනුව බීමත් රියැදුරන් පරීක්ෂා කිරීමේ නළ සියලුම ප්‍රාදේශීය පොලිස් කොට්ඨාසවලට බෙදාහැරීමට ආරම්භ කර ඇති අතර, අද (07) දිනය වනවිට නළ 167,000කට ආසන්න සංඛ්‍යාවක් සියලුම ප්‍රාදේශීය පොලිස් කොට්ඨාසවලට ලබාදෙන බව පොලිස් මාධ්‍ය ප්‍රකාශකවරයා සඳහන් කරයි.
