පසුගිය මැයි 25 වනදා යාපනය පොලිස් වසමේ, පුද්ගලයින් දෙදෙනෙකුට කඩුවලින් පහරදී බරපතළ තුවාල සිදු කල සැකකරුවන් තිදෙනෙක් පොලිසිය විසින් අත්අඩංගුවට ගෙන තිබේ.
එක් සැකකරුවෙක් යතුරුපැදියක් සමග යාපනය පොලිස් වසමේ දී ඊයේ (01) අත්අඩංගුවට ගෙන ඇති අතර එම සැකකරුගෙන් සිදුකළ ප්‍රශ්න කිරීම්වලදී තවත් සැකකරුවන් දෙදෙනෙකු සහ අපරාධය සඳහා යොදාගත් තවත් යතුරුපැදියක් අත්අඩංගුවට ගෙන ඇත.
තවද සැකකරුවන්ගෙන් ප්‍රශ්න කිරීමෙන් ලද තොරතුරු මත එම අපරාධයට යොදාගත් කඩුවක්, මුහුණු ආවරණය කරන කළුපාට රෙදි කැබලි 4ක් වන්නාරපන්නෛයි මාර්ගයේ ලඳු කැලෑවක තිබී සොයාගෙන තිබේ.
අත්අඩංගුවට ගත් සැකකරුවන් අවුරුදු 19 හා 20 වයස්වල පසුවන මානිප්පායි හා කොකුවිල් ප්‍රදේශවල පදිංචිකරුවන්ය.
මෙම අපරාධයට සම්බන්ධ තවත් සැකකරුවන් තිදෙනෙකු පිළිබඳ තොරතුරු අනාවරණය වී ඇති අතර, ඔවුන් අත්අඩංගුවට ගැනීමට යාපනය පොලීසිය වැඩිදුර විමර්ශන සිදුකරයි.
සැකකරුවන් අද (02) යාපනය මහෙස්ත්‍රාත් අධිකරණය වෙත ඉදිරිපත් කිරීමට නියමිතය.
