ශ්‍රී ලංකාව මුහුණ දෙන වත්මන් අභියෝග ජය ගැනීම සඳහා චීනයේ අඛණ්ඩ සහය ලබා දෙන බවට මෙරට සිටින චීන තානාපති – චී ජන්හොං මහතා අද (25) දිනයේදී ජනපති රනිල් වික්‍රමසිංහ මහතා හට සහතික වී තිබේ.
අද පැවැත්වුණු හමුවේදී, ඔවුන් විසින් ශ්‍රී ලංකාවේ ණය ගැටළුව සම්බන්ධයෙන් ද්විපාර්ශ්වික සහ බහුපාර්ශ්වික සාකච්ඡා සමාලෝචනය කර තිබෙන බවත්, චීනය සම්බන්ධයෙන් විදෙස් මාධ්‍ය විසින් පළ කරනු ලබන සාවද්‍ය වාර්තා හෙළා දැක ඇති බවත් චීන තානාපති කාර්යාලය විසින් පළ කර ඇති ට්විටර් පණිවිඩයක දැක්වේ.
