ප්රජාතන්ත්රවාදී වාමාංශික පෙරමුණේ නායක පාර්ලිමේන්තු මන්ත්රි වාසුදේව නානායක්කාර මහතා අසනීප තත්ත්වයෙන් පසුවීම හේතුවෙන් එහි තාවකාලික නව නායකයා ලෙස හිටපු පාර්ලිමේන්තු මන්ත්රි නිරෝෂන් ප්රේමරත්න මහතා පත් කර තිබේ.
ඒ සඳහා ඔහුව නිල වශයෙන් පත් කිරීමේ උත්සවය බත්තරමුල්ල අපේගම පරිශ්රයේදී අද (16) පස්වරු 2 ට පැවැත්වීමට නියමිතය.
සිය පෙරමුණේ ඉදිරි වැඩ කටයුතු ක්රියාකාරිව සිදු කිරීම සඳහා තරුණ නායකත්වයක් අවශ්ය බැවින් හිටපු පාර්ලිමේන්තු මන්ත්රි නිරෝෂන් ප්රේමරත්න මහතා ඒ සඳහා පත් කර ගත් බව එම පෙරමුණේ නියෝජ්ය ලේකම් ජී. ඩී. වී. තිලකසිරි මහතා කියා සිටී.
විශේෂයෙන් සිය පෙරමුණේ නායක වාසුදේව නානායක්කාර මහතා අසනීප තත්ත්වයෙන් පසුවීම මෙවැනි පත්කිරීමක් කිරීමට ප්රධාන හේතුව වූ බවද නියෝජ්ය ලේකම්වරයා පවසයි.
