කොළඹ ග්‍රෑන්ඩ්පාස් වදුල්ලවත්ත පුරදර සෙවන මහල් නිවාස සංකීර්ණය ඉදිරිපිට ඊයේ (25) රාත්‍රියේ සිදුකළ වෙඩිතැබීමෙන් තුවාල ලබා ප්‍රතිකාර ලබමින් සිටි කාන්තාව අද (26) අලුයම මියගොස් තිබේ.
මෙලෙස ජීවිතක්ෂයට පත්වූයේ ඔරුගොඩවත්ත ප්‍රදේශයේ පදිංචි වයස අවුරුදු 56ක කාන්තාවකි.
ඊයේ (25) සවස් කාලයේදී පුද්ගලයෙකු සහ කාන්තාවක් ඉලක්ක කර මෙම වෙඩිතැබීම සිදුකර තිබුණි.
එහිදී 32 හැවිරිදි කේ. ජී. ආර්. දර්ශන නමැති පුද්ගලයෙක් එම ස්ථානයේදීම මිය ගිය අතර සිද්ධියෙන් බරපතළ තත්ත්වයෙන් කොළඹ ජාතික රෝහලේ ප්‍රතිකාර ලබමින් සිටි අදාළ කාන්තාව මෙලෙස අද අලුයම මියගොස් ඇත.
