නව පොලිස්පති දේශබන්දු තෙන්නකෝන් මහතා අද (29) පෙරවරුවේ ජනාධිපති කාර්යාලයේ දී ජනාධිපති රනිල් වික්රමසිංහ මහතාද, මහජන ආරක්ෂක අමාත්ය ටිරාන් අලස් මහතාද හමුවිය.
මෙරට 36 වන පොලිස්පතිවරයා ලෙස වැඩ භාර ගැනීමෙන් අනතුරුව දේශබන්දු තෙන්නකෝන් මෙලෙස ජනාධිපතිවරයා හා අලස් මහතා හමුවී තිබිණි.
නව පොලිස්පතිවරයා වෙත සිය සුබපැතුම් පළ කළ ජනාධිපති රනිල් වික්රමසිංහ ඔහු සමඟ සුහද කථා බහකට ද එක් වී ඇත.
නව පොලිස්පතිවරයා විසින් සාම්ප්රදායානුකූලව ජනාධිපතිවරයා වෙත සමරු තිළිණ පිළිගැන්වීම ද මෙහිදී සිදු කෙරිණි.
——————————–
(පෙර පුවත 2024 පෙබරවාරි 29, ප.ව.8:54)
දේශබන්දු අද පොලිස්පති තනතුරේ වැඩ අල්ලයි !
අභිනව පොලිස්පති දේශබන්දු තෙන්නකෝන් මහතා අද (29) පොලිස්පති ධුරයේ වැඩ භාර ගැනීමට නියමිත බව පොලිස් මූලස්ථානය සඳහන් කරයි.
පොලිස්පති ධුරයට පත් දේශබන්දු තෙන්නකෝන් මහතාගෙන් පුරප්පාඩු වූ බස්නාහිර පළාත භාර ජ්යෙෂ්ඨ නියෝජ්ය පොලිස්පති තනතුර සඳහා ජ්යෙෂ්ඨ නියෝජ්ය පොලිස්පති මහේෂ් සේනාරත්න මහතා පත්කිරීමට නියමිත බවද මේ අතර වාර්තා වේ.
පොලිස්පති දේශබන්දු තෙන්නකෝන් මහතා ජ්යෙෂ්ඨ නියෝජ්ය පොලිස්පතිවරයකු ලෙස සහභාගී වූ අවසන් උත්සවය ඊයේ පොලිස් අපරාධ කොට්ඨාසයේදී පැවැති අතර එහිදී පොලිස්පතිවරයා සඳහන් කළේ මත්ද්රව්ය ජාවාරම්කරුවන් හා පාතාල මර්දන ක්රියාන්විතය අඛණ්ඩව පවත්වාගෙන යන බවය.
එසේම අපරාධ විසඳීමේදී ශ්රී ලංකා පොලිසිය සුවිශේෂී දක්ෂතා දක්වා තිබෙන බවත් ජාත්යන්තර වශයෙන් පිළිගත් අපරාධ විසඳීමේ ක්රමවේද ද නුදුරේදීම ශ්රී ලංකා පොලිසියට හඳුන්වාදෙන බවත් පොලිස්පතිවරයා එහිදී කියා සිටියේය.
මෙම උත්සවය සඳහා ජ්යෙෂ්ඨ නියෝජ්ය පොලිස්පතිවරුන් වන අසංක කරවිට, ප්රියන්ත විජේසූරිය, අපරාධ දිසාව භාර නියෝජ්ය පොලිස්පති නිහාල් තල්දූව යන නිලධාරීන්ද එක්ව සිටියහ.