තමන් නීති විභාගයට මුහුණ දුන් ආකාරය පිළිබඳව පැමිණිල්ලක් තිබේනම් ඒ සම්බන්ධව විභාගයක් සිදුකරන ලෙස පාර්ලිමේන්තු මන්ත්‍රී නාමල් රාජපක්ෂ මහතා පවසයි.
මන්ත්‍රීවරයා මේ පිළිබඳව සඳහන්කර සිටියේ වෙළඳ, වාණිජ , ආහාර සුරක්ෂිතතා සහ සමූපකාර සංවර්ධන අමාත්‍ය වසන්ත සමරසිංහ මහතා නැගූ ප්‍රශ්නවලට අද (18) පාර්ලිමේන්තුවේදී පිළිතුරු ලබා දෙමිනි.
මෙම අපහාසය එල්ල වන්නේ නාමල් රාජපක්ෂට නොව සමස්ත නීති පද්ධතියට බව නාමල් රාජපක්ෂ මහතා මෙහිදී පැවසුවේය.
ඒ හේතුවෙන් වහාම මේ පිළිබඳව පරික්ෂණයක් සිදුකරන ලෙස මන්ත්‍රීවරයා එහිදී අධිකරණ අමාත්‍යවරයාගෙන් ඉල්ලා සිටියේය.
තමන් තනියම ඒසී කාමරයක විභාගය ලිව්වා යැයි ඔප්පු වුවහොත් තමා මන්ත්‍රීකමෙන් ඉවත් වෙන බවත් එය ඔප්පු කර ගැනීමට නොහැකි වුවහොත් වසන්ත සමරසිංහ මහතා අමාත්‍යධුරයෙන් ඉල්ලා අස්විය යුතු බවත් නාමල් රාජපක්ෂ මහතා වැඩිදුරටත් සඳහන් කලේය.
