පුවත්
රුසියාව ගෝලීය වේදිකාවේ හුදකලා වෙලා නෑ – රනිල් (විඩියෝ)
රුසියාව ජාත්‍යන්තර වේදිකාවේ හුදකලා වී නොමැති බව තමා සිතන බවත් රුසියාව ආසියානු කලාපයේ ජාතීන් සමඟ අඛණ්ඩව අන්තර් ක්‍රියා කරන බවත් හිටපු ජනාධිපති රනිල් වික්‍රමසිංහ මහතා පැවසීය.
ඔහු මේ බව පවසා සිටියේ ශාන්ත පීටර්ස්බර්ග් හි පැවති වැල්ඩායි සාකච්ඡාවට සම්බන්ධ වී සිටන අතරදී මාධ්‍ය වෙත අදහස් දක්වමිනි.
මේ අතර, බ්‍රික්ස් සමූහයේ වැදගත්කම පිළිබඳව අවධාරණය කළ වික්‍රමසිංහ මහතා, මෙහි නැගී එන ගෝලීය වැදගත්කම හඳුනාගනිමින් සිය ජනාධිපති ධුර කාලය තුළ බ්‍රික්ස් සාමාජිකත්වය සඳහා අයදුම්පතක් ඉදිරිපත් කළ බවද පැවසීය.
නොබැඳි ජාතීන්ගේ ව්‍යාපාරය බිඳවැටීමෙන් පසු, බටහිර සංවර්ධිත ලෝකයේ කොටසක් නොවන ශ්‍රී ලංකාව වැනි රටවල් සඳහා බ්‍රික්ස් සමූහය වැදගත් වේදිකාවක් බවද ඔහු පෙන්වා දුන්නේය.
