තමන් දකින්නේ කෘත්‍රිම බුද්ධිය භාවිතයෙන් (AI) විකෘති කර හෝ නැවත නිර්මාණය කරන ලද අන්තර්ගතයක් ද සත්‍යයක් ද යන්න හඳුනා ගැනීම සඳහා වෙරිටේ රිසර්ච් ආයතනයේ වෙරිටේ මීඩියා අංශය ‘ට්‍රෙස් ඉට්’ (Trace-it) නමින් කිව්.ආර්. (QR) කේතයක් පරිශීලකයන් වෙනුවෙන් හඳුන්වා දී තිබේ.
මෙම ක්‍රමවේදය ඩිජිටල් ඇඟිලි සලකුණක් හා සම වන අතර එමගින් මාධ්‍ය පරිශීලකයන්ට මුල් මූලාශ්‍රයට ප්‍රවේශ වීමෙන් අන්තර්ගතයේ සත්‍ය, අසත්‍යතාව ක්ෂණිකව තහවුරු කිරීමට හැකියාව ලැබෙන බව එම ආයතනය පවසයි.
වෙරිටේ රිසර්ච් ආයතනය පෙන්වා දෙන්නේ අන්තර්ගතයන් පළකිරීමේදී ප්‍රකාශක ප්‍රමිතියක් ලෙස මෙම ක්‍රමවේදය අනුගමනය කිරීම තුළින් විශ්වසනීය ඩිජිටල් අන්තර්ගතයන්ට අදාළව ඒවා ප්‍රකාශයට පත් කළ මුල් ප්‍රකාශකයන්ව සොයා ගැනීමේ හැකියාව මෙමගින් ලැබෙනු ඇති බවය.
මේ සමඟ විකෘති කරන ලද අන්තර්ගතයන්ගේ ව්‍යාජ බව කිව්.ආර්. කේතයෙන් අනාවරණය කරගත හැකි වනවා සේ ම එම අන්තර්ගතයන් ඩිජිටල් අවකාශයේ පැතිරීම අඩු වනු ඇත.
මූලාශ්‍රය – මව්බිම
