මෙවර අධ්‍යයන පොදු සහතික පත්‍ර සාමාන්‍ය පෙළ විභාගයේ දී විභාග වංචා කිරීමේ සිද්ධීන් තුනක් ඊයේ (06) දින වාර්තා වූ බව විභාග දෙපාර්තමේන්තුව පවසයි.
බිබිල, වෙල්ලස්ස ජාතික පාසලේ විභාග අපේක්ෂිකාවක් ගණිතය ප්‍රශ්න පත්‍රය, ජංගම දුරකථනයක් යොදා ගනිමින් ගුරුවරයකු වෙත වට්ස්ඇප් මාර්ගයෙන් යොමු කර ඊට පිළිතුරු ලබාගෙන ඇති බව එම දෙපාර්තමේන්තුව සඳහන් කරයි.
මීට අමතරව හේනේගම මහා විද්‍යාලය හා සීදුව ප්‍රදේශයේ විභාග මධ්‍යස්ථානයක දී ද විභාග වංචා කිරීමේ සිද්ධීන් වාර්තා වී ඇත.
එම අපේක්ෂකයන්ද ජංගම දුරකථන භාවිත කර ගණිතය ප්‍රශ්න පත්‍රය ගුරුවරුන් වෙත යොමුකර පිළිතුරු ලබාගැනීමට උත්සාහ කිරීමේදී නිරීක්ෂකවරයන් හට අසුවී තිබේ.
මෙම සිදුවීම් සම්බන්ධයෙන් නීතිමය පියවර ගන්නා බව නියෝජ්‍ය විභාග කොමසාරිස් ලසික සමරකෝන් මහතා ප්‍රකාශ කර සිටී.
