මීට දින කිහිපයකට පෙර දූෂණ චෝදනා මත පාකිස්තානයේ හිටපු අගමැති ඉම්රාන් ඛාන් අත්අඩංගුවට ගැනීම නීති විරෝධී බව එරට ශ්‍රේෂ්ඨාධිකරණය තීන්දු කර තිබේ.
ඛාන් මහතාව වහාම නිදහස් කරන ලෙසද පාකිස්තානු ශ්‍රේෂ්ඨාධිකරණය නියෝග කර ඇත.
ඛාන් මහතා ගේ නීතිඥවරුන් පෙන්වා දී තිබුණේ අධිකරණ භූමියකදී සිදුකරනු ලැබූ සිය සේවාදායකයාගේ අත්අඩංගුවට පත්වීම නීතිවිරෝධී බවයි.
පාකිස්තානයේ හිටපු අගමැතිවරයාව අත්අඩංගුවට ගැනීමත් සමග එරට පුරා පැතිරී ගිය ප්‍රචණ්ඩකාරී විරෝධතා වලින් අවම වශයෙන් පුද්ගලයින් 10 දෙනෙකු මිය ගොස් 2,000 ක් පමණ අත්අඩංගුවට පත්ව ඇතැයි විදෙස් වාර්තා සඳහන් කරයි.
