හිටපු අමෙරිකානු ජනාධිපති ඩොනල්ඩ් ට්‍රම්ප්ගේ ට්විටර් ගිණුම නැවත සක්‍රීය කිරීමට තීරණය කර ඇතැයි එම සමාගමේ අයිතිකරු වන ඊලොන් මස්ක් පවසයි.
ට්‍රම්ප් ගේ ගිණුම යළි සක්‍රිය කිරීම සම්බන්ධයෙන් සිදුකළ මත විමසුමකින් අනතුරුව මෙම තීරණය ගෙන තිබුණි.
කෙසේවෙතත්, ට්‍රම්ප් යළිත් ට්විටර් වල සක්‍රීය වේ ද යන්න පිළිබඳව පැහැදිලි නොවේ.
මිලියන 15ක පමණ පිරිසක් එම මත විමසුමට ප්‍රතිචාර දක්වා තිබූ අතර ඉන් සියයට 51.8ක් ඩොනල්ඩ් ට්‍රම්ප්ගේ ගිණුම සක්‍රීය කළ යුතු බවට කැමැත්ත පළකර ඇත.
ප්‍රචණ්ඩත්වය උසිගැන්වීමට ඇති හැකියාව හේතුවෙන් 2021 ජනවාරි 06දා සිට මාස 22ක කාලයක් ඩොනල්ඩ් ට්‍රම්ප්ගේ ට්විටර් ගිණුම අත්හිටුවා තිබුණි. පසුව ඔහුගේ ෆේස්බුක්, ඉන්ස්ටර්ග්‍රෑම් හා යූටියුබ් ගිණුම් ද අත්හිටුවා තිබුණි.
