Connect with us

විදෙස්

මලාවි උප ජනපති ඇතුළු පිරිස ජීවිතක්ෂයට (Update)

Published

on

මලාවි රාජ්‍යයේ අතුරුදහන් වූ ගුවන්යානයේ සිටි උප ජනාධිපති සවුලෝස් චිලීමා ඇතුළු පිරිස මියගොස් ඇතැයි විදෙස් වාර්තා සඳහන් කරයි.

අද දිනයේදී මාධ්‍ය හමුවක් අමතමින් එරට ජනාධිපතිවරයා පැවසුවේ අතුරුදහන් වූ යානය හමුවී ඇති බවත් එහි සිටි සියල්ලන්ම මියගොස් ඇති බවත්ය.

අයහපත් කාලගුණය මැද පියාසර කළ ගුවන්යානය රේඩාර් පථයෙන් අතුරුදන් වූයේ ඊයේ උදෑසනය.


(පෙර පුවත 2024 ජුනි 11, පෙ.ව.8:20)

මලාවි උපජනාධිපති රැගත් ගුවන් යානය අතුරුදන්

මලාවි රාජ්‍යයේ උපජනාධිපති සෝලෝස් චිලීමා රැගත් ගුවන් යානය අතුරුදන් වී තිබේ.

හිටපු කැබිනට් අමාත්‍යවරයෙකුගේ අවමංගල්‍යක් සඳහා යමින් සිටියදී උපජනාධිපතිවරයා ඇතුළු පිරිස රැගත් ගුවන් යානය අතුරුදන් වී ඇතැයි සඳහන් ය.

මලාවි ආරක්ෂක බලකායට අයත් ගුවන් යානය ලිලොන්ග්වේ අගනුවරින් පිටත් වූ පසු රේඩාර් පද්ධතියෙන් ඉවත් වී තිබේ.

මලාවි ජනාධිපති කාර්යාලය නිවේදනය කළේ, යානය එම්සූසු ජාත්‍යන්තර ගුවන්තොටුපොළ වෙත ගොඩබෑමට නියමිත වූවත්, යානය පැමිණ නොමැති බවයි.

උපජනාධිපතිවරයා සහ තවත් 09 දෙනෙකු යානයේ සිට ඇති බව විදෙස් මාධ්‍ය වාර්තා කළේ ය.

යානය අතුරුදන් වීමට හේතුව මෙතෙක් අනාවරණය වී නොමැති අතර එය සොයා අඛණ්ඩ මෙහෙයුම් ක්‍රියාත්මක බව මලාවි ජනාධිපතිවරයා පැවසීය.

පුවත්

ෆ්‍රැන්සිස් පාප්වහන්සේ ස්වර්ගස්ථ වෙයි

Published

on

By

අති උතුම් ශුද්ධෝත්තම ෆ්‍රැන්සිස් පාප්වහන්සේ ස්වර්ගස්ථ වී තිබේ.

88 හැවිරිදි වියේ පසුවූ පාප්වහන්සේ ස්වර්ගස්ථ වී ඇත්තේ, වතිකානයේ කාසා සැන්ටා මාර්තා හි පිහිටි උන්වහන්සේගේ නිවසේදීය.

ශ්වසන මාර්ගය ආශ්‍රිත රෝගී තත්ත්වයක් හේතුවෙන් මාසයකට වැඩි කාලයක් රෝහල්ගතව සිටි ෆැන්සිස් පාප්වහන්සේ ඉන් අනතුරුව සුවය ලබා ආපසු පැමිණියේය.

ඊයේ (20) දිනයේ වතිකානයේ ශාන්ත පීතර බැසිලිකාවේ පැවැති පාස්කු දේව මෙහෙයටත් උන්වහන්සේ එක්වුණි.

Continue Reading

විදෙස්

මේ මාසයේදී ඇෆ්ගන් ජාතිකයන් 19,500ක් පාකිස්තානයෙන් පිටුවහල් කරලා!

Published

on

By

පාකිස්තානය විසින් අප්‍රේල් මාසය තුළදී මේ දක්වා එරට නීතිවිරෝධීව රැඳී සිටි ඇෆ්ගන් ජාතිකයන් 19,500 කට වැඩි පිරිසක් පිටුවහල් කර ඇති බව එක්සත් ජාතීන්ගේ සංවිධානය පවසයි.

අප්‍රේල් මස 30දාට පෙර පාකිස්තානයෙන් පිටව යන ලෙස එරට බලධාරීන් සිදුකර ඇති දැනුම් දීම මත මේ වනවිට 80,000ක් පමණ මේ දක්වා එරටින් පිටව ගොස් ඇතැයි වාර්තා වේ.

දිනකට ඇෆ්ගන් පවුල් 700ක් – 800ක් පමණ පාකිස්තානයෙන් මෙලෙස පිටුවහල් කෙරෙන බව තලෙයිබාන් බලධාරීන් පවසා ඇත.

බීබීසී ලෝක සේවය වාර්තා කර ඇත්තේ ඉදිරි මාස කිහිපය තුළ මෙලෙස පිටුවහල් කරන පිරිස මිලියන 02ක් දක්වා ඉහළ යා හැකි බවයි.

තලෙයිබාන් බලධාරීන් හා සාකච්ඡා පැවැත්වීමට පකිස්තානු විදේශ අමාත්‍ය – ඉෂාක් ඩාර් ඊයේ දින කාබුල් වෙත ගොස් තිබුණු අතර, එහිදී ඇෆ්ගනිස්තාන් විදේශ අමාත්‍යවරයා වන අමීර් ඛාන් මුත්තකිද මෙම පිටුවහල් කිරීම් පිළිබඳව “ගැඹුරු කනස්සල්ල” පළ කර තිබුණි.

මෙලෙස පිටුවහල් කෙරුනු ඇතැම් ඇෆ්ගන් ජාතිකයන් පවසා ඇත්තේ යුද ප්‍රහාර හේතුවෙන් සිය දෙමාපියන් පාකිස්තානයට පළා යාමෙන් අනතුරුව තමන් පාකිස්තානයේ උපත ලැබුවන් බවයි.

2021 දී ඇෆ්ගනිස්තානය තලේබාන් ආදිපත්‍යය යටතට පත්වීමෙන් අනතුරුව පාකිස්තානයට පළාගිය 700,000 ක් පමණ ජනකායක් ඇතුළුව, මිලියන 3.5 කට අධික ඇෆ්ගන් ජාතිකයින් පිරිසක් පාකිස්තානයේ ජීවත් වන බව එක්සත් ජාතීන්ගේ සරණාගත ඒජන්සිය පවසයිත

ඔවුන්ගෙන් අඩකට අධික පිරිසක් නීත්‍යානුකූල ලිපිලේඛන ද නොමැතිව නීතිවිරෝධීව සිටින බව එක්සත් ජාතීන්ගේ සංවිධානය ඇස්තමේන්තු කරයි.

Continue Reading

විදෙස්

කොලොම්බියාවේ  කහ උණ වසංගතයක්

Published

on

By

කොලොම්බියාවේ නගර රැසක කහ උණ වසංගතයක් පැතිර යමින් පවතින බව විදෙස් මාධ්‍ය වාර්තා කරයි.

පසුගිය වසරේ දී ආරම්භ වූ මෙම වසංගතයෙන් මේ වනවිට රෝගීන් 74ක් වාර්තා වී ඇති අතර, ඉන් 34ක්ම මියගොස් ඇත.

පවතින අවදානම් සහගත සෞඛ්‍ය තත්ත්වයෙන් වැඩි බලපෑමක් එල්ලවී ඇත්තේ ඉහළ දෙස් විදෙස් සංචාරක ආකර්ෂණයක් දිනා ඇති එරට නැගෙනහිර ටොලිමෝ පළාතටය.

ඒ අනුව පවතින තත්ත්වය සැලකිල්ලට ගනිමින් එරට රජය හදිසි සෞඛ්‍ය තත්ත්වයක් නිවේදනය කිරීමට පියවර ගෙන ඇත.

කහ උණ ආසාදනය වන්නේ ආසාදිත මදුරු දෂ්ටනයෙන් මිනිසා වෙත සම්ප්‍රේෂණය කෙරෙන වෛරසයක් මගින්ය.

කෙසේ නමුත් එන්නත්කරණයෙන් මෙම කහ උණ ආසාදනයවීම වළක්වා ගැනීමේ හැකියාව ඇත.

ඒ අනුව පාස්කු නිවාඩුවට පෙර එන්නත්කරණයට ලක්වන ලෙසට එරට බලධාරීන් ජනතාවට උපදෙස් ලබා දී තිබේ.

කහ උණ රෝග ලක්ෂණ අනෙකුත් උණ රෝගී තත්ත්වයන්ට බොහෝ සෙයින් සමාන වීම හේතුවෙන් කහ උණ ආසාදිතයෙකු හඳුනා ගැනීම තරමක් අසීරු වේ.

ලෝක සෞඛ්‍ය සංවිධානයට අනුව කහ උණ ආසාදිතයින් බහුතරයක් එහි පළමු අදියරයේ දී ඉන් සුවය ලබයි.

කෙසේ වුවද සියයට 15ක පමණ ආසාදිතයින් පිරිසක් උග්‍ර කහ උණ රෝගී තත්ත්වයට මුහුණ දෙන අතර, ඉන් අඩක් දින 10ත් 14ත් අතර කාලයක දී මිය යන බව ලෝක සෞඛ්‍ය සංවිධානය වැඩිදුරටත් පවසයි.

Continue Reading

Trending

Copyright © 2023 Sri Lanka Mirror. All Rights Reserved